Негізгі көрсеткіштер
«ҚазМұнайГаз» Ұлттық компаниясы» АҚ қызметкерлердің еңбекті қорғауы мен қауіпсіздігін, сондай-ақ компания қызметі жүргізілетін өңірлерде тұратын халықтың денсаулығын қорғауды басты басымдық ретінде қарастырады. Қызметкерлердің айтуынша, ҚМГ қауіпсіз еңбек жағдайын жасап, жұмыс орнында еңбекті қорғау бойынша ең жоғары стандарттарды енгізуде.
2024 жылы еңбек қызметімен байланысты жазатайым оқиғалар салдарынан зардап шеккендер саны алдыңғы жылмен салыстырғанда 28 %-ға төмендеді – 2023 жылғы 29 оқиғадан 2024 жылы 21 оқиғаға дейін. Сондай-ақ, жол-көлік оқиғалары саны айтарлықтай азайып, 68 %-ды құрады (2023 жылы – 19, 2024 жылы – 6 жағдай). 2023 жылғыдай, өрт оқиғалары тіркелген жоқ.
2024 жылы еңбек қызметімен байланысты бір өлімге әкелген жазатайым оқиға орын алды. Оқиға «Өзенмұнайгаз» АҚ-да компрессорлық қондырғы арқылы дөңгелекті үрлеу кезінде орын алған. Дөңгелек дискінен бекіткіш сақинаның ұшып шығуы салдарынан машинист ауыр жарақат алып, қайтыс болды.
Тергеу нәтижелері бойынша оқиғаның себептері ретінде зардап шеккен адамның абайсыздығы, қауіпсіздік талаптарының бұзылуы және жұмысты ұйымдастырудағы кемшіліктер анықталды. Аталған оқиғаға жауап ретінде ҚМГ келесі кешенді қауіпсіздік шараларын қабылдады:
- Қосымша нұсқамалар мен түсіндіру жұмыстары жүргізілді;
- Қауіпсіздік тосқауылдары орнатылды;
- Автомобиль шиналарын үрлеу тәртібіне тексеру жүргізілді;
- Қауіпсіздік бойынша нұсқаулықтар мен тәуекелдерді бағалау құжаттары қайта қаралды;
- Қауіпсіздік белгілері орнатылып, дөңгелек үрлеу жұмыстарын арнайы емес орындарда жүргізуге тыйым салынды.
Қосымша ретінде ҚМГ-нің 12 еншілес ұйымында автокөлік пен арнайы техниканың шиналарын қауіпсіз үрлеуге арналған 57 «Қабырға» типті қорғаныш тосқауылы енгізілді. Компрессорлық қондырғылар жылдам ажыратылатын ұштықтармен жабдықталды, бұл үрлеу жұмыстарының қауіпсіздігін арттыруға мүмкіндік береді.
Қабылданған шаралар жарақаттану деңгейін одан әрі төмендетуге және компания қызметкерлері үшін қауіпсіз еңбек жағдайларын қамтамасыз етуге бағытталған.
ЕҢБЕКТІ ҚОРҒАУ ЖӘНЕ ӨНДІРІСТІК ҚАУІПСІЗДІК САЛАСЫНДАҒЫ НЕГІЗГІ КӨРСЕТКІШТЕР
|
ОТ және ӨҚ негізгі көрсеткіштері |
2022 |
2023 |
2024 |
2024/2023 өзгерісі |
% |
|---|---|---|---|---|---|
|
Жазатайым оқиғалар саны, бірлік |
35 |
28 |
21 |
−7 |
−25 |
|
Зардап шеккендер саны, адам |
36 |
29 |
21 |
−8 |
−28 |
|
Соның ішінде өліммен аяқталғандары |
1 |
2 |
1 |
–1 |
–50 |
|
Жол-көлік оқиғалары, бірлік |
24 |
19 |
6 |
–13 |
–68 |
|
Өрт оқиғалары, бірлік |
1 |
0 |
0 |
– |
– |
Жазатайым және өлімге әкелген оқиғалар коэффициенттері
|
Көрсеткіш |
2022 |
2023 |
2024 |
IOGP10 |
|---|---|---|---|---|
|
Еңбекке уақытша жарамсыздыққа әкелген жазатайым оқиғалар коэффициенті (LTIR), 1 млн адам-сағатқа |
0, 36 |
0, 30 |
0, 22 |
0, 22 |
|
Өлімге әкелген оқиғалар коэффициенті (FAR), 100 млн адам-сағатқа |
1, 0 |
2, 11 |
1, 03 |
0, 68 |
|
Жол-көлік оқиғаларының коэффициенті, 1 млн жүріп өткен шақырымға |
0, 26 |
0, 25 |
0, 08 |
0, 10 |
10 2023 жылға арналған IOGP қолжетімді көрсеткіштері (https://www.iogp.org/).