ҚМГ өзі қатысатын өңірлердің әлеуметтік-экономикалық дамуына үлес қосады. Компания жергілікті басқару органдарымен белсенді өзара іс-қимыл жасайды және негізгі мүдделі тараптармен тұрақты үнқатысуды қолдайды, жас білікті мамандарды дамыту және даярлау бойынша белсенді жұмыс жүргізеді, ҚМГ компаниялар тобының қызметкерлеріне әлеуметтік қолдау көрсетеді, оффтейк-шарттарға қол қою арқылы отандық өндірушілерді қолдауға ұмтылады. ҚМГ кәсіпорындары жер қойнауын пайдалануға арналған келісімшарттар мен Кешенді даму жоспары шеңберінде әлеуметтік маңызы бар объектілерді, спорт кешендерін салуды, өңірдің әлеуметтік-экономикалық дамуын және т.б. қаржыландыруды жүзеге асырады.

ҚМГ еншілес ұйымдарының жер қойнауын пайдалануға арналған келісімшарттарда өндірістік қатысу өңірлерін дамытуға және халықтың мұқтаж топтарына әлеуметтік көмек көрсетуге айтарлықтай ақшалай қаражат бөлу көзделген, сондай-ақ облыстардың әкімдіктерімен жасалған келісімдер мен меморандумдар негізінде ҚМГ ЕТҰ қаражатты жергілікті атқарушы органдарға аударады, олар қаражатты жергілікті қоғамдастықтардың қажеттіліктерін негізге ала отырып, бөледі. Сонымен қатар ҚМГ Жаңаөзен қаласын дамытудың кешенді жоспарына сәйкес өз міндеттемелерін уақтылы орындайды. Осы мақсаттарға 2022 жылы ҚМГ тобы бойынша 12 млрд теңгеден астам қаржы бөлінді, оның ішінде Атырау және Маңғыстау облыстарын дамытуға үлестің негізгі үлесі Қашаған БВ-ға тиесілі, ол 2022 жылдан бастап ҚМГ-ның 100 % еншілес кәсіпорны болып табылады, оның ішінде:

• «Өзенмұнайгаз» АҚ Жаңаөзен қаласы мен Қарақия ауданының әлеуметтік инфрақұрылымын дамытуға 1 700 млн теңге бөлді.
• «Ембімұнайгаз» АҚ Жылыой ауданы Құлсары қаласында және Атырау қаласында мектеп салуға 831 млн теңге бөлді.
• «Қазгермұнай» БК ЖШС Қызылорда облысының әлеуметтік-экономикалық дамуына және оның инфрақұрылымына 149 млн теңге көлемінде қаражат бөлді.
• «Қаражанбасмұнай» АҚ Маңғыстау облысының әкімдігімен жасалған келісім негізінде облыстың әлеуметтік-экономикалық дамуына және оның инфрақұрылымына 480 млн теңге аударды.
• Ақтөбе облысының әлеуметтік-экономикалық дамуына және оның инфрақұрылымына «Қазақойл Ақтөбе» ЖШС 169 млн теңге, «Қазақтүрікмұнай» ЖШС 46 млн теңге бөлді, бұдан басқа, «Қазақтүрікмұнай» ЖШС Келісімшартты орындау үшін Маңғыстау облысының әкімдігіне 44 млн теңге аударды.
• «Қашаған Б.В.» компаниясының қаражатына есепті кезеңде 8 млрд теңгеден астам сомаға әлеуметтік жобалар аяқталды – шағын аудандарды абаттандыру, Ақтау қаласында 500 орындық студенттік жатақхана салу, Атырау облысының Құлсары қаласында 3 қабатты 60 пәтерлі тұрғын үй салу. Сондай-ақ 2022 жылы Береке шағын ауданында 50 адам қабылдайтын отбасылық-дәрігерлік амбулатория салу, облыстық балаларды оңалту орталығына 80 орындық жапсаржай салу, Атырау қаласының Өрлеу тұрғын алабында (Тасқала-2 ауылы) 160 орындық балабақша салу, Қызылқоға ауданының Миялы ауылында 3 қабатты 60 пәтерлі тұрғын үй салу, Махамбет ауданының Махамбет ауылында 3 қабатты 60 пәтерлі тұрғын үй салу, Атырау облысының Аққыстау ауылында 3 қабатты 60 пәтерлі тұрғын үйлер салу сияқты жобалар басталды, 2021 жылы басталған Ақтау қаласындағы балалар мен жасөспірімдерге арналған «Оқушылар сарайы» мекемесінің құрылысы жалғасуда.

Демеушілік және қайырымдылық

Компанияның қайырымдылық және демеушілік қызметі «Самұрық-Қазына» АҚ компаниялар тобының қайырымдылық қызметінің бірыңғай операторы болып табылатын «Samruk-Kazyna Trust» әлеуметтік жобаларды дамыту қоры арқылы жүзеге асырылады.

Samruk-Kazyna Trust қайырымдылық қызметі адамдарға, әлеуметтік және медициналық сектордағы қауымдастықтарға көмек көрсетуге, медиа және мәдени қоғамдастықты дамытуға, адами әлеуетті дамытуға, еңбек қатынастарын, ұлтаралық қатынастарды нығайтуға, қоғамның орнықты дамуына инвестициялар салуға, өңірлік бизнес-бастамаларды қолдауға бағытталған.

2022 жылғы бюджетте жобалар портфелі жалпы сомасы 10,4 млрд теңгеге 43 жобаны құрайды, оның ішінде 4 жоба ҚМГ қажеттіліктері ескеріле отырып іске асырылды/іске асырылуда:

1. «Жарылқау» ҚҚ – «Жаңаөзен қаласының жалпы білім беретін мектептерінің материалдық-техникалық базасын нығайту» жобасы, сомасы 168,9 млн теңге;
2. «IQanat білім беру қоры» қоғамдық қоры – 253 млн теңге сомасына «IQanat-Жарқын болашақ» жобасы;
3. «Bilim Foundation» ҚҚ – 292,5 млн теңге сомасына «Жарқын болашақ» жобасы;
4. «Объектілерді салу компаниясы» КҚ – 1, 01 млрд теңге сомасына «Жаңаөзен қаласы мен Жетібай кентінде спорт алаңдарын салу жобасы».

2022 жылы Қор Басқармасы «Самұрық-Қазына» АҚ компаниялар тобына кіретін ұйымдардың қайырымдылық көмекті (қайырымдылық жобасын) жоспарлау, қарау және алдын ала мақұлдау қағидаларын бекітті, олардың негізінде ҚМГ және оның еншілес кәсіпорындары үшін қайырымдылыққа белгілі бір лимит беріледі, соған сәйкес ҚМГ 2023 жылы ҚМГ және оның еншілес және тәуелді ұйымдарының қайырымдылық көмек көрсету туралы қағидаларын әзірлейді.

2022 жылы Қордың Директорлар кеңесінің шешімдерімен «Самұрық-Қазына» АҚ Қайырымдылық бағдарламасына мыналардың қаражаты есебінен әлеуметтік жобалар енгізілді:

«Өзенмұнайгаз» АҚ:

• 8 224 545 мың теңге сомасына Маңғыстау облысының Жаңаөзен қаласында болжамды сыйымдылығы бір ауысымда 500 орындық Оқушылар сарайын салу, Маңғыстау облысы;
• Жаңаөзен қаласында әмбебап спорт кешендерін салу (қуаты күніне 400 адам), кешендердің құрылысы 2021 жылы басталып, құрылыс жүріп жатыр. Объектілердің құны 1 млрд теңге. 2022 жылға арналған қаражатты игеру 895 млн теңгені құрайды.

«Ембімұнайгаз» АҚ:

• 591 832 863 теңге сомасына Атырау облысының Жылыой ауданында мүмкіндігі шектеулі 150 балаға арналған түзету кабинетінің ғимаратын салу;
• жалпы құны 706 228 840 теңгеден аспайтын сомада Мақат ауданы Доссор және Мақат, Қызылқоға ауданы Мұқыр, Атырау облысы Исатай ауданы Аққыстау кенттерінде 4 көпфункционалды спорт алаңын салу.

Сондай-ақ ҚМГ еншілес кәсіпорындары: «Ембімұнайгаз» АҚ, «Маңғыстаумұнайгаз» АҚ, «Өзенмұнайгаз» АҚ, «Қаражанбасмұнай» АҚ, «Қазақойл Ақтөбе» ЖШС, «Қазгермұнай» ЖШС, «Павлодар мұнай-химия зауыты» ЖШС, «ПетроКазахстанойл Продактс» ЖШС, «Орал Ойл энд Газ» ЖШС Атырау, Маңғыстау, Ақтөбе, Қызылорда, Түркістан, Павлодар, Батыс Қазақстан облыстары мен Астана қаласы өңірлерінің жергілікті қоғамдастықтарына 2,5 млрд теңгеге жуық сомаға қайырымдылық көмек көрсетті.

Мердігерлік ұйымдармен өзара іс-қимыл жасау және мердігерлік ұйымдар қызметкерлерінің әлеуметтік-еңбек құқықтарын қамтамасыз ету

ҚМГ-да Мердігерлік ұйымдармен олардың қызметкерлерінің еңбек кепілдіктерін қамтамасыз ету үшін өзара іс-қимыл жөніндегі регламент (бұдан әрі – Регламент) бекітілді.

Мердігерлік ұйымдардың еңбек қатынастары саласындағы міндеттемелерін сақтауы мақсатында ҚМГ 21 ЕТҰ-да шарттық міндеттемелерге Үлгілік регламент талаптарын енгізді.

21 ЕТҰ-дағы мердігерлік ұйымдардың 100 % шарт жасасу кезінде әлеуметтік талаптар скринингінен өтеді. Шарт бойынша жұмыстарды орындау (қызметтер көрсету) барысында Мердігер Қазақстан Республикасы еңбек заңнамасының талаптарын қатаң сақтауға міндеттенеді, соның ішінде: еңбек шарттарын жасасу тәртібі, олардың мазмұны мен нысанына қойылатын талаптар, еңбек шарты жасалғаннан кейін ғана жұмысқа рұқсат беру, жұмыс уақытының ұзақтығы мен режимі, ауысымдық жұмыс және еңбекті ұйымдастырудың вахталық әдісі, түнгі уақыттағы және үстеме жұмыс, қызметкерлердің демалуы, ең төменгі жалақы мөлшері мен еңбекке ақы төлеу саласындағы кепілдіктер, жалақыны төлеу тәртібі мен мерзімдері, сондай-ақ өз қызметкерлеріне тиісті әлеуметтік-тұрмыстық жағдайларды қамтамасыз етуге міндеттенеді.

ҚМГ ЕТҰ-да тиісті құрылымдық бөлімшелер (Өндірістік қатынастар жөніндегі топтар – IR қызметтері) құрылды. Осы бөлімшелердің қызметі еңбек заңнамасын сақтау, әлеуметтік-тұрмыстық жағдайлармен қамтамасыз ету саласында мониторинг пен бақылауды жүзеге асыруға бағытталған.

2022 жылы ҚМГ ЕТҰ IR қызметтері мердігер компаниялардың регламентті сақтауына 179 тексеру жүргізді. Әлеуметтік тұрақтылықты қамтамасыз ету мақсатында Маңғыстау, Атырау, Павлодар облыстарында 2022 жылдың басынан бастап ҚМГ ЕТҰ мен олардың мердігерлік ұйымдары арасындағы жалақы мөлшеріндегі алшақтықты қысқарту бойынша жұмыс жүргізілді. Ол үшін мынадай шаралар қабылданды:

• мердігерлік ұйымдар қызметкерлерінің жалақысы артты;
• мердігерлердің жалақысын тапсырыс берушінің жалақысына ұқсас инфляция деңгейіне жыл сайынғы индекстеу туралы шешім қабылданды;
• мердігерлік ұйымдардың қызметкерлері үшін кепілдендірілген әлеуметтік топтама енгізілді.

Жүргізіліп жатқан жұмыстар Жаңаөзен қаласының, Атырау және Павлодар облыстарының проблемалық мәселелерін шешу бойынша ведомствоаралық штабпен келісілді.

Маңғыстау облысы ҚМГ ЕТҰ мердігерлік ұйымдармен осы өзгерістерді және тиісінше қызметтерге тарифтерді ұлғайтуды көздейтін 158 қосымша келісім жасалды. Жалақыны арттыру бойынша қабылданып жатқан шаралар 19 мыңнан астам қызметкерді қамтиды. Орташа алғанда, жалақының өсуі шамамен 35-40 % құрайды. Ақшалай баламада қол қойылған қосымша келісімдердің сомасы 37,2 млрд теңгені құрайды.

Атырау облысы бойынша (АМӨЗ) 12 қосымша келісімге қол қойылды. Жалақыны арттыру бойынша қабылданып жатқан шаралар 1,3 мыңнан астам қызметкерді қамтиды. Орташа алғанда, жалақы 13-тен 76 %-ға дейін өсетін болады. Ақшалай баламада қол қойылған қосымша келісімдердің сомасы 3,5 млрд теңгені құрайды.

Павлодар облысы бойынша (ПМХЗ) 29 қосымша келісімге қол қойылды. Жалақыны арттыру бойынша қабылданып жатқан шаралар 2,4 мыңнан астам қызметкерді қамтиды. Орташа алғанда, жалақы 14-тен 56 %-ға дейін өскен. Ақшалай баламада қол қойылған қосымша келісімдердің сомасы 5,9 млрд теңгені құрайды.

Жалпы корпоративтік іс-шаралар

ҚМГ компаниялар тобында жыл сайын ҚМГ тобының еңбек ұжымдарын шоғырландыру үшін корпоративтік іс-шаралар өткізіледі. Салауатты өмір салтын насихаттау және кәсіби шеберлікті арттыру мақсатында Спартакиада және «Үздік маман» сияқты іс-шаралар өткізіледі.

2022 жылы Атырау қаласында ҚМГ ЕТҰ қатысуымен ҚМГ жазғы Спартакиадасы өтті

Спартакиадаға топтарға бөлінген 33 кәсіпорынның 1 600-ден астам адамы қатысты. Спартакиада екі кезеңде өтті: ЕТҰ орналасуы бойынша бөлінген сегіз топтағы бірінші іріктеу кезеңі ағымдағы жылдың 18 шілдесіне дейін өтті. Финалдық бөлім Атырау қаласында 2022 жылдың 8-12 тамыз аралығында өтті.

Соңғы бөлімге еншілес және тәуелді ұйымдардың 400-ге жуық өкілі қатысты.

Жарыс мынадай спорт түрлері бойынша өткізілді: шағын футбол, волейбол, баскетбол, үстел теннисі, теннис, шахмат, жүзу, тоғызқұмалақ, арқан тарту, жеңіл атлетика.

«Самұрық-Қазына» АҚ спартакиадасының финалында ҚМГ Спартакиаданың суперкубогын жеңіп алды.

«Үздік маман» кәсіби шеберлік конкурсы

2022 жылы 3-7 қазан аралығында «Қазгермұнай» БК ЖШС «Ақшабұлақ» және «Нұралы» кен орындарында 13 жұмыс мамандығы бойынша ҚМГ 17 ЕТҰ өкілдерінің қатысуымен конкурс өткізілді: мұнай және газ өндіру, ұңғымаларды зерттеу, қаттық қысымды қолдау, мұнайды, технологиялық қондырғыларды дайындау жөніндегі операторлар, ҰКЖ және ҰЖАЖ бригадалары, слесарьлар, электр газбен дәнекерлеушілер, электромонтерлер, химиялық талдау зертханашылары, компрессорлық қондырғылардың машинистері және токарьлар.

Бірінші жүлделі орынға ие болған ҚМГ еншілес кәсіпорындарының ішкі конкурстарының жеңімпаздары ҚМГ корпоративтік конкурсына қатысты.

Конкурстың теориялық бөлігі онлайн-режимде электрондық тестілеу форматында өткізілді. Практикалық тапсырмалар үшін регламенттер жасалды, пайдаланылатын жабдықтар, құралдар, жұмыс орындары қаралып, ҚМГ конкурстық комиссиясымен келісілді. Тәжірибені Қазылар алқасының мүшелері бағалады, олар ҚМГ кәсіпорындары қызметкерлерінің өндірістік персоналынан айқындалған.

Жеңімпаздарды салтанатты марапаттау Қызылорда облысының жергілікті музыкалық орындаушыларының өнер көрсетуімен
Н. Бекежанов атындағы Драма театрында өткізілді.

Бірінші орын алған байқау жеңімпаздары «Үздік маман» медальдарымен және дипломдармен марапатталды. Бірінші орын жүлдегерлері Қазақстан Республикасы күніне арналған ҚМГ Басқарма төрағасының қатысуымен ҚМГ салтанатты жиналысына шақырылды. Іс-шараға қатысушылардың барлығы 230-дан астам адам, оның ішінде конкурсқа қатысушылардың өздері 120 адам.

«ҮЗДІК МАМАН-2022» КӘСІПТІК КОНКУРСЫНЫҢ ЖЕҢІМПАЗДАРЫ