2022 жылы ҚМГ елімізде 44 мыңнан астам адамды жұмыспен қамтыды.

Қызметкерлердің нақты саны (есепті кезеңнің аяғында Компанияның нақты жұмыс істейтін тұрақты және уақытша орнын басатын қызметкерлері) 2022 жылдың аяғында ҚМГ Компаниялар тобы бойынша 44 688 адамды құрады (2021 жылы – 44 650, 2020 жылы – 57 073), аутстаффинг – 2 838 адамды құрады (2021 жылы – 2 787, 2020 жылы – 3 100). Компаниялар қызметінің бағыты ауыр, қауіпті және зиянды еңбек жағдайларымен байланысты екенін ескергенде, ерлер үлесі 82 %, әйелдер үлесі 18 % құрайды.

2020–2022 жылдардағы жынысы бойынша бөліністегі қызметкерлер, %

Есепті кезеңдегі қызметкерлер, жынысы мен санаттар бойынша бөліністе, %

2022 жылы ҚМГ компаниялар тобында басшы әйелдердің үлесі ҚМГ компаниялар тобындағы басшылар жалпы санының 18 %-ын, мамандардың жалпы санының 39 %-ын, жұмысшы кәсіптердің жалпы санының 12 %-ын құрады. Өткен жылмен салыстырғанда әйелдердің үлесі 1%-дан аз өзгерді.

Жас санаты бойынша қызметкерлердің негізгі үлесі 31-ден 50 жасқа дейінгі топта – 59 %-ды құрайды, бұл ретте ерлер үлесі 81 %-ды, әйелдер үлесі 19 %-ды құрайды.

50 жастан асқан қызметкерлердің саны персоналдың жалпы санының 30 %-ын құрайды, бұл ретте ерлердің үлесі 81 %-ды, әйелдердің үлесі 19 %-ды құрайды.

30 жасқа дейінгі жастардың үлесі қызметкерлердің жалпы санының 11 %-ын құрайды, бұл ретте ерлердің үлесі 86 %-ды, әйелдердің үлесі 14 %-ды құрайды.

2020–2022 жылдардағы жас топтары бойынша ҚМГ қызметкерлері, %

2022 жылы жалданған жұмыскерлер саны 5 860 адамды немесе орташа тізімдік санның 10 %-ын құрайды.

2020–2022 жылдары жалданған қызметкерлер, %

Есепті кезеңде еңбек қатынастары тоқтатылған қызметкерлер саны – 3 697 адам немесе орташа тізімдік санаттың 6 %-ын құрады, оның ішінде жас санаттары бойынша: 30 жасқа дейін – 27 % (2021 жылы – 29 %, 2020 жылы – 24 %), 31 жастан 50 жасқа дейін – 45 % (2021 жылы – 44 %, 2020 жылы – 48 %), 50 жастан жоғары – 28 % (2021 жылы – 27 %, 2020 жылы – 28 %).

Компанияның барлық қызметкерлерінің 46 %-ы есепті кезеңдегі нәтижелілігін бағалаудан өтті (2021 жылы – 43 %, 2020 жылы – 54 %). Оның ішінде әйелдер – 19,57 %, ерлер – 80,5 %. Қызметкерлер санаттары бойынша бөліністе: басшылар – 10 %, мамандар – 29 %, жұмысшылар – 61 %.

Есепті кезеңнің соңында бала күтімі бойынша жалақысы сақталмайтын демалыстағы қызметкерлердің саны 864 адамды құрады, бұл ретте әйелдердің үлесі 92 %, ерлер – 8 % құрайды.

Есепті кезеңде жүктілік және босану бойынша демалыстағы әйелдер – 352 адам.