1-қағидат.	Іскерлік топтар халықаралық деңгейде жария етілген адам құқықтарын қорғауды қолдап, құрметтеуге тиіс.
2-қағидат.	Іскерлік топтар адам құқықтарының бұзылуына қатысы болмауы тиіс.
3-қағидат.	Іскерлік топтар бірігу еркіндігін және ұжымдық шарттар жасасу құқығын нақты мойындауды қолдауы тиіс.
4-қағидат.	Іскерлік топтар мәжбүрлі және міндетті еңбектің барлық нысандарын жою үшін әрекет етуге тиіс.
5-қағидат.	Іскерлік топтар балалар еңбегін толық жоюды қолдауы тиіс.
6-қағидат.	Іскерлік топтар еңбек және жұмыспен қамту саласындағы кемсітушілікті жоюды қолдауы тиіс.

Біздің басқару тәсіліміз

Кадр саясатының тұжырымдамасы мынадай негізгі қағидаттарға негізделеді:

Қызметкерлер мен ҚМГ мүдделерінің тепе-теңдігі – ҚМГ Кадр саясатын және персоналды басқару саласындағы басқа да регламенттеуші құжаттарды қалыптастыру кезінде қызметкерлердің де, ҚМГ-ның да мүдделерін тең дәрежеде ескеру қажет;
Бүкіл ҚМГ тобына арналған Бірыңғай кадр саясаты – персоналды басқару саласындағы қызмет пен даму бағыттары ҚМГ тобының барлық компаниялары үшін бірыңғай болуға тиіс;
HR-дың әкімшілік қолдау көрсету рөлінің бизнес үшін стратегиялық рөліне ауыстыру – HR функциялар тек әкімшілік қолдау функциясын жүзеге асырып қана қоймай, бизнес үшін стратегиялық серіктес болуы тиіс;
Бизнес үшін қосылған құн жасау – HR функциясының қызметкерлері күнделікті жұмысында олардың өз жұмысының нәтижелері ішкі клиент үшін қосылған құнды қаншалықты құрайтынын ескеруі тиіс және осыған сүйене отырып, олардың жұмысына басымдық беруі тиіс;
Оңтайлы ұйымдық құрылым және оңтайлы қызметкерлер саны – HR функциясы саладағы үздік тәжірибелер негізінде Компанияда ең оңтайлы ұйымдық құрылымды құруы және еңбек өнімділігін арттыру үшін ҚМГ-ны үнемі жетілдіруге ықпал етуі тиіс;
Кадрлар санын кәсіптің қажеттіліктері мен еңбек нарығының жағдайына негізделіп жоспарлау – персоналдың саны мен оларға арналған шығындарды жоспарлау еңбек нарығының жағдайы ескеріле отырып, бизнес бағыттарының жоспарлары мен қажеттіліктеріне негізделуі тиіс;
Оқыту және біліктілікті арттыру бағдарламаларын ұдайы жетілдіру – HR функциясы қазіргі заманғы оқыту бағдарламаларын зерделеу және оларды оқыту мен дамыту процесіне енгізу арқылы қызметкерлер мен басшылардың білімін, іскерлігін, дағдылары мен құзыреттерін ұдайы жетілдіру үшін барлық қажетті жағдайларды жасауға тиіс;
70-20-10 моделі бойынша өзін-өзі оқытатын ұйымды құру – қызметкерлер: (1) күрделі міндеттерді шешу, жобаларға қатысу, қашықтықтан оқыту (барлық оқытудың 70 %-ы) арқылы жұмыс орнында оқу, (2) кері байланыс, коучинг, тәлімгерлік негізінде әріптестерімен және басшыларымен өзара іс-қимыл жасау арқылы (барлық оқытудың 20 %-ы), (3) семинарларға, тренингтерге, конференцияларға, дәрістерге және басқа да дамыту іс-шараларына қатысу (барлық оқытудың 10 %-ы) арқылы өздерінің үздіксіз дамуы үшін дербес жауапты болуға тиіс;
Менеджерлердің персоналды басқару үшін жауапкершілігі – барлық деңгейдегі басшылар персоналды басқаруға жауапты, ал HR функциясы қажетті қолдау көрсетеді және қажетті құралдарды ұсынады;
Қызметкерлерді стратегиялық мақсаттарға бірлесіп қол жеткізуге тарту мәдениетін құру – HR функциясы ҚМГ стратегиялық, операциялық және өндірістік мақсаттарының барлық деңгейлерінде қызметкерлердің түсіністік, қызығушылық және қолдау мәдениетін қалыптастыруға ықпал етеді;
Қызметкерлерді ынталандыру үшін жағдай жасау – HR функциясы процестерді, жүйелерді қалыптастыруы және қызметкерлерді әртүрлі формалар мен әдістермен тиімді ынталандыруды қамтамасыз ету үшін қажетті құралдарды қамтамасыз етуі тиіс;
Заңнаманы бұзуға жол бермеу – HR функциясы еңбек қатынастарын ресімдеу, өзгерту және бұзу кезінде, ішкі құжаттарды, ҚМГ пайдаланатын ережелер мен рәсімдерді әзірлеу және пайдалану кезінде заңнамаға сәйкестікті қамтамасыз етуге тиіс.

Кадр саясатының тұжырымдамасы ҚМГ тобында адами капиталдың құнын арттыру үшін жағдай жасауға бағытталған. Осы мақсатқа қол жеткізу мынадай HR міндеттерін іске асыруды көздейді:

корпоративтік мәдениетті дамыту және басшылардың дағдыларын арттыру – сабақтастыққа, нәтижеге бағдарлануға және жауапкершілікті өз мойнына алуға дайын болуға баса назар аудара отырып, меритократия және «коммерциялық» ойлау қағидаттарында корпоративтік мәдениетті дамыту. Көшбасшылық құзыреттерді дамыту;

қатысу мен әлеуметтік тұрақтылықтың оң деңгейіне қол жеткізу – жоспарларды тұрақты өлшеу, әзірлеу және іске асыру арқылы белсенділік пен әлеуметтік тұрақтылықты басқарудың жүйелі тәсіліне баса назар аударуды күшейту. Қатысу (60 % немесе одан жоғары) және әлеуметтік тұрақтылық (61 % немесе одан жоғары) бойынша оң мәндерге қол жеткізу және сақтау;

HR функциясын біріздендіру және тиімділігін арттыру – ҚМГ стратегиясын іске асыруға толыққанды қолдау көрсететін, клиентке бағытталған HR функциясын құру. ҚМГ ЕҰ үздік әлемдік және ішкі тәжірибелерді ескеретін HR процестері мен стандарттарын біріздендіру. Автоматтандырудың бірыңғай шешімдері арқылы бірыңғай ақпараттық кеңістік құру. Жалпы қызмет көрсету орталығына қосымша құн әкелмейтін күнделікті операцияларды беру;

таланттарды тартудан сабақтастық пен сыйақыны басқаруға дейінгі кешенді басқару жүйесін енгізу – ҚМГ тобының тиімді және әлеуетті қызметкерлерін ұстап қалу, ілгерілету және түйінді позицияларға тағайындау мақсатында персоналдың ашықтығын, жағдай жасау мен уәждемелеуді қамтамасыз ететін таланттарды басқару жүйесін енгізу. Таланттарды басқарудың кешенді жүйесінің негізгі элементтері:

жалдау кезіндегі ашықтық пен объективтілік;
сыйақы деңгейлерінің қызметті және нарықты бағалау нәтижелеріне тәуелділігі;
негізгі позициялардағы сабақтастық;
таланттарды анықтау және кадр резервін дамыту;
қызметкерлерде бизнестің тиімділігі мен қажеттіліктерін бағалау нәтижелеріне негізделген даму жоспарларының болуы;
ҚМГ тобындағы түйінді позицияларға іріктеу кезінде ішкі кандидаттарға басымдық беру.

бизнес қажеттіліктерін ескере отырып, персоналдың сапалық құрамын арттыру – лауазымдарға қойылатын өзекті біліктілік талаптарын айқындау, қызметкерлердің жүйелік процестер (іріктеу, дамыту, бағалау және т.б.), сондай-ақ жекелеген жобалар (лауазымға қойылатын талаптарға сәйкестігін бағалау сияқты) арқылы осы талаптарға сәйкестігін қамтамасыз ету. Стратегиялық мақсаттарға жету үшін қажетті персоналдың негізгі құзыреттерін күшейту (мысалы, «Upstream-де адами капиталды дамыту» бағдарламасы, жобалық және инвестициялық басқару құзыреттерін дамыту бағдарламалары, компанияның IPO-ға тиімді шығу құзыреттері және т.б.);

өнімділікті арттыру үшін кадрлар санын тиімді басқару – ҚМГ-ның ағымдағы және нысаналы қажеттіліктерін ескере отырып, адами ресурстарды тиімді жоспарлау және болжау. Кадрлар санының бірыңғай нормалары мен нормативтерін әзірлеу, экономикалық негізделген құралдар арқылы кадрлар санын оңтайландыру бағдарламаларын іске асыру (мысалы, бейінді емес функцияларды шығару) және персоналды артық және еңбек тапшылығы бар ұйымдар арасында қайта бөлу.