ТДМ қол жеткізудегі Компанияның үлесі туралы

Кез келген жастағы барлық адамдар үшін салауатты өмір салтын қамтамасыз ету және әл-ауқатқа ықпал ету

3.6. 2020 жылға қарай бүкіл әлемде жол-көлік оқиғаларынан болатын өлім мен жарақат санын екі есеге азайту

«Сапарларды басқару» жобасы

Көлік қауіпсіздігінің деңгейін арттыру, қауіпсіз жүргізу мәдениетін және бірыңғай орталықтандырылған цифрлық платформаны құру мақсатында «Ембімұнайгаз» АҚ-та «Сапарларды басқару» пилоттық жобасы іске асырылды, оны 2022 жылдан бастап ҚМГ-нің басқа еншілес және тәуелді ұйымдарына тираждау жоспарланып отыр.

Нәтижесі

«Ембімұнайгаз» АҚ-тың 418 көлік құралы GPS терминалдарынан жылдамдық режимі, жүргізушінің қауіпсіздік белдігін пайдалануы, фараларды қосу, бірден жылдамдық қосу және тежеу бойынша бақыланады.

3.8. Денсаулық сақтау қызметтерімен жаппай қамтуды, оның ішінде қаржылық тәуекелдерден қорғауды, сапалы негізгі медициналық-санитариялық қызметтерге қол жеткізуді және барлығына қауіпсіз, тиімді, сапалы және арзан негізгі дәрілік заттар мен вакциналарға қол жеткізуді қамтамасыз ету

Персоналдың денсаулығын басқару

ҚМГ-де персоналдың денсаулығына қамқорлық жасау және өмір сүру сапасын арттыру мақсатында Персоналдың денсаулығын басқару бағдарламасы жасалады, оның негізгі үш бағыты болады:

Пандемиямен және оның салдарымен күрес.

Кәсіби аурулардың алдын алу.

Қызметкерлердің салауатты өмір салтына деген ынтасы мен хабардарлығын арттыру.

«Сауықтыруға 10 қадам» бастамасы

Бағдарлама ең алдымен физикалық белсенділікті арттыруға және дұрыс емес тамақтану әдеттерін жоюға бағытталған.

Нәтижесі

ҚМГ қызметкерлерінің 100%-і денсаулықты сақтандыру бағдарламасымен және вакцинациялау мүмкіндігімен қамтылған.

3.9. 2030 жылға қарай қауіпті химиялық заттардың, ауаның, судың және топырақтың ластануы мен улануының салдарынан өлім мен аурудың санын едәуір қысқарту

Өнеркәсіптік қауіпсіздік (ӨҚ), еңбекті және қоршаған ортаны қорғау (ЕҚОҚ) талаптарын сақтау бойынша жұмыскерлердің көшбасшылығы және бейілділігі кодексі енгізілуде және іске асырылуда.

«Қорғау» картасы қауіпті жағдайды/қауіпті мінез-құлықты/қауіпті әрекетті/қауіпті факторды анықтауға және олар туралы ақпараттандыруға бағытталған.

Нәтижесі

2021 жылы қауіпті химиялық заттардың әсерінен және ауаның, судың және топырақтың ластануы мен улануынан бірде-бір өлім мен ауру жағдайы тіркелген жоқ.

Толығырақ ақпарат «Өнеркәсіптік қауіпсіздік және еңбекті қорғау» бөлімінде берілген.

Барлық адамдар үшін арзан, сенімді, тұрақты және заманауи энергия көздеріне қолжетімділікті қамтамасыз ету

7.1. 2030 жылға қарай арзан, сенімді және қазіргі заманғы энергиямен жабдықтауға жалпыға бірдей қолжетімділікті қамтамасыз ету

Топтың энергия үнемдеу және энергия тиімділігін дамытудың негізгі стратегиялық бағыттары – технологиялық жабдықты жаңғырту, энергия үнемдеу технологияларын енгізу, жылу энергиясын өндіру мен тұтынуды оңтайландыру, сондай-ақ жеке генерациялау көздерін, оның ішінде ЖЭК пайдалана отырып дамыту.

2031 жылға дейінгі төмен көміртекті даму бағдарламасы бекітілді

7.b. 2030 жылға қарай дамушы елдерде, атап айтқанда неғұрлым төмен дамыған елдерде, шағын аралдық дамушы мемлекеттерде және теңізге шыға алмайтын дамушы елдерде олардың тиісті қолдау бағдарламаларын ескере отырып, барлығын осы заманғы және орнықты энергиямен жабдықтау үшін инфрақұрылымды кеңейту және технологияларды жаңғырту

ЖЭК жобаларын дамыту:

мегаваттық класты ЖЭК жобалары;

коммуналдық-тұрмыстық секторда пайдалануға арналған ЖЭК жобалары;

өндірістің технологиялық циклына енгізілетін ЖЭК жобалары;

жасыл электр энергиясын сатып алу.

Нәтижесі

2031 жыл:

Энергия менеджменті қызметтерінің ЕТҰ-ды 100% қамтуы;

энергия сыйымдылығының 2019 жылғы деңгейден 10% төмендеуі;

15 % – ҚМГ электр тұтыну балансындағы ЖЭК үлесі

Толығырақ ақпарат «Төмен көміртекті даму бағдарламасы» бөлімінде берілген.

Тұрақты, жан-жақты және тұрақты экономикалық өсуге, толық және өнімді жұмыспен қамтуға және барлығына лайықты жұмыс істеуге жәрдемдесу

8.5. 2030 жылға қарай барлық әйелдер мен ерлер, оның ішінде жастар мен мүгедектер үшін толық және өнімді жұмыспен қамтуды және лайықты жұмысты және құндылығы бірдей еңбек үшін тең ақы төлеуді қамтамасыз ету

«ҚазМұнайГаз»  ҰК» АҚ компаниялар тобына көпфункционалды жалпы қызмет көрсету орталығын құру» жобасы

ҚМГ компаниялар тобындағы жалпы қосалқы процестерді ҚМГ тобының жекелеген компанияларынан шығару және орындау үшін бірыңғай қызмет көрсету орталығына ауыстыру есебінен өнімділікті арттыруға (шығындарды азайту, клиенттердің қанағаттануы (сапа, мерзімдер), ашықтық, басқарылу, анық деректерді талдау) бағытталған.

ҚМГ бизнесі күнделікті және қайталанатын функциялардан арылады, қосылған құны жоғары негізгі процестерге шоғырланады.

Нәтижесі

2024 жыл: ҚМГ-нің 26 компаниясының функциялары ЖБО-ға ауыстырылды.

8.6. 2020 жылға қарай жұмыс істемейтін, оқымайтын және кәсіби дағдылары жоқ жастардың үлесін едәуір қысқарту

8.8. Еңбек құқықтарын қорғау және еңбекші көшіп-қонушыларды қоса алғанда, барлық еңбекшілер, әсіресе көшіп-қонушы әйелдер мен тұрақты жұмыспен қамтылмаған адамдар үшін сенімді және қауіпсіз жұмыс жағдайларын қамтамасыз етуге жәрдемдесу

«Жас Өркен»

ҚМГ компаниялар тобында «Жас Өркен» жас мамандарды ротациялау бағдарламасы жұмыс істейді. «Жас Өркен» бағдарламасының мақсаты – Қазақстанның талантты жастарын дамыту.

Нәтижесі

Бағдарламаларды іске асыру кезеңінде ҚМГ тобы бойынша «Жас Өркен» бағдарламасы бойынша ротациядан 61 жас маман өтті, олардың 15-і жұмысқа орналастырылды, «Цифрлық жаз» бағдарламасы бойынша 18 жас маман, оның ішінде жұмыс істеп жүрген студенттер, бағдарламаның 3 түлегі жұмысқа орналастырылды.

Әлеуметтік қолдау көрсетудің үлгілік қағидалары

ҚМГ ЕТҰ қызметкерлерін әлеуметтік қолдау олардың ұжымдық шарттарында және әлеуметтік қолдау көрсету қағидаларында айқындалады. ҚМГ компаниялар тобының барлық кәсіпорындары бойынша әлеуметтік қолдаудың түрлері мен нормаларын біріздендіру мақсатында ҚМГ ЕТҰ қызметкерлеріне әлеуметтік қолдау көрсетудің үлгілік қағидалары қабылданды.

Толығырақ ақпарат «Персоналды дамыту» бөлімінде берілген.

Тұрақты инфрақұрылым құру, барлығын қамтитын және тұрақты индустрияландыру мен инновацияларға

9.1. Экономикалық даму мен адамдардың әл-ауқатын қолдау мақсатында баршаға арналған арзан және тең құқылы қолжетімділікті қамтамасыз етуге ерекше назар аудара отырып, өңірлік және трансшекаралық инфрақұрылымды қоса алғанда, сапалы, сенімді, тұрақты және орнықты инфрақұрылымды дамыту

ҚМГ цифрлық трансформациялау бағдарламасы ғылыми зерттеулерді кеңейтуге, өнеркәсіптік секторлардың технологиялық мүмкіндіктерін жетілдіруге ықпал етеді. ҚМГ ғылыми зерттеулерге және осы саладағы жергілікті әлеуетті арттыруға қомақты қаражат инвестициялайды. Өнеркәсіптік әртараптандыруды қамтамасыз ету үшін отандық технологиялық қуаттарды дамыту елдегі климаттық жағдайға да оң әсер етеді.

«ABAI ақпараттық жүйесін әзірлеу» жобасы

ҚМГ тобының барлық өндірістік ақпаратын Big Data платформасындағы бірыңғай дерекқорда орталықтандыруды, сондай-ақ жасанды интеллект пен машиналық оқытуды қолдана отырып, оны өңдеуді және талдауды көздейді.

ABAI ақпараттық жүйесі – 20 автономды модуль, олардың әрқайсысы нақты өндірістік мәселелерді шешуге бағытталған.

Нәтижесі

ABAI бес пилоттық модулі әзірленді және сыналды:

«ABAI деректер базасы»;

«Визуализация орталығы»;

«Асқынулардың мониторингі»;

«Технологиялық режим»;

«Терең сорғы жабдықтарын таңдау».

Толық ақпаратты «Цифрландыру және трансформация» бөлімінен таба аласыз

9.4. 2030 жылға қарай инфрақұрылымды жаңғырту және өнеркәсіптік кәсіпорындарды ресурстарды пайдалану тиімділігін арттыру және таза және экологиялық қауіпсіз технологиялар мен өнеркәсіптік процестерді неғұрлым кеңінен қолдану есебінен олардың жеке мүмкіндіктеріне сәйкес барлық елдердің қатысуымен орнықты ете отырып, қайта жабдықтау

2031 жылға дейінгі төмен көміртекті даму бағдарламасы бекітілді.

Нәтижесі 2031 жыл:

Энергия менеджменті қызметтерінің ЕТҰ-ды 100% қамтуы;

энергия сыйымдылығының 2019 жылғы деңгейден 10% төмендеуі.

Толығырақ ақпарат «Төмен көміртекті даму бағдарламасы» бөлімінде берілген..

Климаттың өзгеруіне және оның салдарына қарсы күрес жөнінде шұғыл шаралар қабылдау

13.2. Климаттың өзгеруіне ден қою шараларын ұлттық деңгейдегі саясатқа, стратегияларға және жоспарлауға енгізу

Төмен көміртекті даму

Төмен көміртекті даму бойынша жобалық кеңсе құрылды.

Сутегі энергетикасы және СО₂ ұстау, сақтау және қайта өңдеу бойынша құзыреттілік орталығын құру пысықталуда.

Жасыл кеңсе

Корпоративтік «жасыл» бағыт белсенді дамып келеді және қалдықтарды бөлек жинауды енгізу, кеңсе үй – жайларында суды және энергияны үнемдеу және т. б. сияқты «жасыл кеңсе» принциптері кезең-кезеңімен енгізілуде.

Нәтижесі

2031 жылға қарай:

ПГ шығарындыларын 2019 жылғы деңгейден 15%-ке төмендету;

көміртегі сыйымдылығын 2019 жылғы деңгейден 10%-ке төмендету;

нөлдік тұрақты түрде шикі газды алауда жағу.

13.3. Білім беруді, ақпаратты таратуды және адамдар мен мекемелердің климаттың өзгеруінің өткірлігін жұмсарту және салдарын әлсірету, оларға бейімделу және ерте алдын алу бойынша мүмкіндіктерін жақсарту

Шығарындыларды басқару жөніндегі саясат

Компанияда Шығарындыларды басқару жөніндегі саясат бекітілді, ол сегіз негізгі приницптен тұрады, олардың алтауы климаттың өзгеруі мәселелеріне тікелей қатысты және тұрақты алау жағуды толық тоқтатуға бағытталған.

CDP

Компания көміртегі ізін есептейді және климаттық сауалнаманы CDP (бұрын – Carbon Disclosure Project) алаңына орналастырады.

Task Force on Climate-related Financial Disclosures (TCFD)

Климаттың өзгеруіне байланысты қаржылық ақпаратты ашу жөніндегі жұмыс тобы TCFD ұсыныстарына сәйкес климаттық тәуекелдерді ашу.

Нәтижесі

Компанияның экологиялық саясаты бекітілді.

ҚМГ-ге CDP – «C» климаттық рейтингісі берілді.

Толығырақ ақпарат «Өндірістік қауіпсіздік, еңбекті және қоршаған ортаны қорғау» бөлімінде берілген.

Құрлықтың экожүйелерін қорғау, қалпына келтіру және оларды ұтымды пайдалануға жәрдемдесу, ормандарды ұтымды басқару, шөлейттенуге қарсы күрес, жердің тозу процесін тоқтату және кері бұру және биологиялық әртүрлілікті жоғалту процесін тоқтату

15.3. 2030 жылға қарай шөлейттенуге қарсы күрес жүргізу, шөлейттену, құрғақшылық және су тасқыны әсер еткен жерлерді қоса алғанда, тозған жерлер мен топырақты қалпына келтіру және бүкіл әлемде жердің жағдайын нашарлатпауға тырысу

ҚМГ ластаушы заттардың төгінділерін азайтуға және табиғи көздерден су алуды азайтуға бағытталған жобалар мен іс-шараларды іске асыруда:

CDP

Компания су ізін есептейді және су қауіпсіздігі жөніндегі са­уалнаманы CDP алаңына орналастырады.

TAZALYQ

АМӨЗ Атыраудың қоршаған ортасының жағдайын жақсартуға бағытталған TAZALYQ ауқымды экологиялық жобасын белсенді жүзеге асыруда.

Тұщыландыру зауыттарын салу

Қабаттық суды тұщыландыру зауыты Маңғыстау облысын сумен қамтамасыз ету мәселесін шешудегі бірегей жоба болып табылады. Зауыт өңірді дамыту үшін жылына кемінде
6,2 млн м³ көлемінде Еділ суының көлемін босатады.

Маңғыстау облысының «Кендірлі» демалыс аймағы ауданындағы тұщыландыру зауыты. Болжамды қуаты тәулігіне 50 мың м³ суды құрайды.

Жерді қалпына келтіру

Компанияда «тарихи» мұнай қалдықтарын қалпына келтіру және мұнаймен ластанған жерлерді тазарту жұмыстары жүргізілуде.

Нәтижесі

TAZALYQ: Жайық өзенінен су алудың 10%-ке төмендеуі, зауытта тазартылған зауыт ағындарын қайта пайдалану – 15%.

2024 жыл: «тарихи» мұнай қалдықтарын толық жою, Компанияның мұнаймен ластанған аумақтарын тазарту және қалпына келтіру.

15.5. Табиғи мекендеу ортасының тозуын тежеу жөнінде маңызды шараларды дереу қабылдау, биологиялық әртүрліліктің жоғалуын тоқтату және 2020 жылға қарай жойылып кету қаупі төнген түрлердің сақталуын және жойылуын болдырмауды қамтамасыз ету

Орман-климаттық жобалар

ҚМГ-нің 2031 жылға дейінгі Төмен көміртекті даму бағдарламасы шеңберінде құрлық экожүйелерін сақтауға қолайлы әсер ететін орман-кКлиматтық жобаларды іске асыру жоспарлануда.

«Ембімұнайгаз» АҚ мен «Атырау МӨЗ» ЖШС көгалдандыру жұмыстарын жүргізе бастады.

Биоәртүрлілікке әсер ету салдарын жұмсарту жөніндегі шаралар иерархиясы

Компанияда өндірістік қызметті жоспарлау және жүзеге асыру кезінде төрт негізгі іс-қимылды ескере отырып, биоәртүрлілікке әсер ету салдарын жұмсарту жөніндегі шаралар иерархиясы қолданылады: әлеуетті елеулі тікелей әсер етудің алдын алу, азайту, қалпына келтіру және орнын толтыру.

Нәтижесі

2031 жыл: 2 000 га алаңда орман-климаттық жобаларды іске асыру.