"Kazakhstan Petrochemical Industries Inc." ЖШС" Атырау облысындағы алғашқы интеграцияланған газ-химия кешенінің құрылысы" инвестициялық стратегиялық жобасының операторы болып табылады (I фаза полипропилен өндірісі).
Жоба Теңіз кен орнынан қолда бар газ көлемін кейіннен ішкі және экспорттық нарықтарда өткізу үшін қосылған құны жоғары мұнай-химия өнімін өндіру жөніндегі кешен үшін бастапқы шикізат ретінде пайдалану мақсатында іске асырылады.
Қолданылатын технология гомополимерлердің 64 маркасын шығаруға мүмкіндік береді. Маркалардың әрбір тобы қаптама өндірісі, медицина, автомобиль жасау, құбырлар мен жиынтықтауыштар өндірісі, электротехника сияқты нақты мақсаттарға арналған, яғни күнделікті тұтынатын барлық тауарларда қандай да бір дәрежеде полипропилен бар.