Комплаенс

Қызмет туралы

«ҚАЗМҰНАЙГАЗ» ҰК АҚ Комплаенс қызметі ҚМГ компаниялар тобында заңнаманы, корпоративтік стандарттарды және іскерлік этика қағидаттарын сақтаудың тиімді жүйесін қалыптастыру мен дамытуды қамтамасыз етеді.

Комплаенс қызметінің негізгі міндеті - сыбайлас жемқорлық тәуекелдерінің алдын алу, адалдық мәдениетін нығайту және бизнес-процестердің ашықтығын қамтамасыз ету жолымен бизнесті орнықты және жауапты жүргізуге жәрдемдесу.

Комплаенс қызметі жұмысын атқарушы органға тәуелсіз жүзеге асырады және ҚМГ Директорлар кеңесіне есеп береді, бұл комплаенс-функцияны іске асыру кезінде объективтілік пен тәуелсіздікті қамтамасыз етеді.

Біздің миссиямыз

ҚМГ компаниялар тобында заңдылық, адалдық, ашықтық және іскерлік этика мен комплаенс-талаптардың кез келген бұзылуын қабылдамау қағидаттарына негізделген корпоративтік ортаны құру.

Қызметтің негізгі бағыттары

Сыбайлас жемқорлыққа қарсы іс-қимыл

сыбайлас жемқорлық тәуекелдерін анықтау және бағалау;
сыбайлас жемқорлыққа қарсы іс-шараларды әзірлеу және мониторингтеу;
халықаралық стандарттар мен үздік комплаенс практикаларын енгізу.

Талаптардың сақталуын бақылау

Қазақстан Республикасының заңнамасы мен ҚМГ ішкі құжаттарының сақталуын мониторингтеу;
бизнес-процестердегі комплаенс-тәуекелдерді талдау;
ішкі рәсімдер мен бақылау тетіктерін жетілдіруге қатысу.

Корпоративтік мәдениетті дамыту

адалдық пен этикалық мінез-құлық мәдениетін қалыптастыру;
жұмыскерлердің комплаенс мәселелері бойынша хабардарлығын арттыру;
оқыту іс-шаралары мен консультациялар өткізу.

Компаниялар тобымен өзара іс-қимыл

еншілес және тәуелді ұйымдарда комплаенс-қызметті үйлестіру;
комплаенс-тәуекелдерді басқаруға бірыңғай тәсілдерді әзірлеу;
ҚМГ компаниялар тобының комплаенс-офицерлерін әдістемелік қолдау.

Қызметтің қағидаттары

Комплаенс қызметі өз жұмысында келесі қағидаттарды басшылыққа алады:

заңнама мен корпоративтік стандарттарды сақтау;
сыбайлас жемқорлыққа төзбеушілік;
тәуелсіздік пен объективтілік;
ашықтық пен айқындылық;
жұмыскерлердің жұмысқа тартылуы;
басшылық тарапынан қолдау («tone from the top»);
комплаенс-жүйені үздіксіз жетілдіру;
жұмыскерлердің кәсіби құзыреттерін дамыту.

Неліктен бұл маңызды

Тиімді комплаенс-жүйе:

ҚМГ іскерлік беделін нығайтуға;
серіктестер, инвесторлар мен қоғам тарапынан сенімнің артуына;
құқықтық, қаржылық және беделдік тәуекелдердің төмендеуіне;
компанияның орнықты дамуын қамтамасыз етуге ықпал етеді.

Ішкі нормативтік құжаттар

«ҚАЗМҰНАЙГАЗ» ҰК АҚ-да заңнаманың және іскерлік этика қағидаттарының сақталуын қамтамасыз етуге және комплаенс-тәуекелдерді тиімді басқаруға, сондай-ақ ҚМГ компаниялар тобында адалдық мәдениетін қалыптастыруға, бизнес-процестердің ашықтығын арттыру мен бұзушылықтардың алдын алуға бағытталған бірқатар ішкі құжат бекітілді.

ЖАБЫҚ КЕЗЕҢ ТУРАЛЫ ХАБАРЛАМА

Молдагалиева Гүлмира Жұмабайқызы

Комплаенс қызметінің басшысы

Азаматтығы: Қазақстан Республикасы

Білімі:
2001 – 2005 жж.
Қазақ гуманитарлық заң университеті Мамандығы: «Юриспруденция» (үздік бітіру дипломы)
2010 – 2012 жж.
Қазақстандық қатынас жолдары университеті Мамандығы: «Қаржы»
2023 ж.
International Diploma in Governance, Risk and Compliance International Compliance Association (ICA). Біліктілігі үздіктікпен алынды (with Merit)

Жұмыс тәжірибесі: «Самұрық-Қазына» АҚ компаниялар тобында комплаенс, корпоративтік басқару және сыбайлас жемқорлыққа қарсы іс-қимыл саласында едәуір жұмыс тәжірибесі бар. Governance, Risk and Compliance саласында халықаралық кәсіби сертификациясы, сондай-ақ ұлттық компанияларда тиімді комплаенс-рәсімдерді енгізу мен дамытудың практикалық тәжірибесі бар. Комплаенс қызметінің басшылығымен ҚМГ-де сыбайлас жемқорлыққа қарсы жүйені жетілдіру және комплаенс халықаралық стандарттарын енгізу шаралары іске асырылды. Жүргізілген жұмыс қорытындылары бойынша «ҚАЗМҰНАЙГАЗ» ҰК АҚ сертификатаудан сәтті өтіп, ҚР СТ ISO 37001-2017 (ISO 37001:2016) Парақорлыққа қарсы күрес менеджменті жүйесіне сәйкестік сертификатын алды.

Байланыс үшін ақпарат

Мекенжай: 010000, Қазақстан Республикасы, Нұр-Сұлтан қ., Д. Қонаев к., 8, «Изумрудный квартал» әкімшілік ғимараты, «Б» блок
Телефон: +7 (7172) 786520
E-mail: compliance01@kmg.kz

ЖЕДЕЛ ЖЕЛІ

ҚМГ-нің әрбір жұмыскері немесе кез келген үшінші тұлға кез келген жұмыскердің, мердігерлік ұйымның немесе қызметі ҚМГ-мен байланысты басқа да тұлғалардың ic-әрекеттерінің заңдылығына қатысты қандай да бір күмәні болған жағдайда ҚМГ-ге хабарлауға құқығы бар.

Бұл ақпарат этика және алаяқтыққа, ұрлық пен сыбайлас жемқорлыққа қарсы іс-қимыл мәселелері бойынша тәуелсіз жедел желі арқылы берілуі мүмкін:

Құпия хабарлау телефоны: 8 800 080 47 47

WhatsApp нөмірі: +7 771 191 88 16

Электрондық пошта: mail@sk-hotline.kz

Интернет-портал: www.sk-hotline.kz