Каспий теңізінің қазақстандық секторында ҚМГ «Абай», «Исатай», «Жеңіс», «Әл-Фараби» учаскелерінде геологиялық-барлау жұмыстары жүргізілуде. Жер қойнауын пайдалану келісімшарттары мен ынтымақтастық туралы келісімдерге сәйкес ҚМГ-мен тәуекелдерді бөлу мақсатында бұл жұмыстарды серіктестермен (ENI, Лукойл және т.б.) бірлесіп құрылған кәсіпорындар жүргізеді.
2022 жылы «ЛУКОЙЛ» ЖАҚ-мен бірлесіп дайындық жұмыстары жүргізіліп, желтоқсан айында «Жеңіс» учаскесінде барлау ұңғымасын бұрғылау басталды. «Жеңіс» блогы Каспий теңізінің қазақстандық секторында 75-100 м тереңдікте орналасқан. Блоктан Ақтау портына дейінгі қашықтық 180 км, лицензиялық учаскенің ауданы – 6 848 шаршы км. Қол қойылған келісімшартқа сәйкес ең аз негізгі міндеттемелер бір барлау ұңғымасын бұрғылау және 3D сейсмикалық барлау жұмыстарын жүргізу болып табылады. Бұл жобаның операторы «Жеңіс Оперейтинг» бірлескен кәсіпорны болып табылады, ол компаниялардың әрқайсысына 50 % тиесілі. Каспийдегі жобалар айтарлықтай жинақталған құзыреттері болатын, Компания үшін стратегиялық өңірде ресурстық базаны кеңейтудегі маңызды қадам болып табылады. 2023 жылы Жеңіс учаскесіндегі барлау ұңғымасын бұрғылауды, Абай учаскесінде бұрғылауға дайындық жұмыстарын жүргізуді, Әл-Фараби учаскесінде сейсмикалық барлау жұмыстарын жүргізуді аяқтау жоспарланған.
