ҚМГ ДК-ге сайланған күні: ҚМГ Акционерлерінің жылдық жалпы жиналысының 30.05.2024 жылғы шешімі, №1/2024 хаттама.

Азаматтығы: Қазақстан Республикасы.

Туған күні: 13.10.1983.

Білімі:

·        «Мұнай және газ ұңғымаларын бұрғылау» мамандығы бойынша Қаныш Сәтбаев атындағы Қазақ ұлттық техникалық университеті, 2005;

·        «Менеджмент» мамандығы бойынша Халықаралық бизнес университеті, 2013.

Еңбек жолы:

Асхат Хасенов еңбек жолын 2005 жылы «Торғай Петролеум» АҚ мұнай және газ өндіру цехының 3-разрядты операторы болып бастады (Қызылорда қ.).

2006-2010 жылдары «Мұнай және газ өнеркәсібінің бас диспетчерлік басқармасы» АҚ-да: жетекші, бас маман, мұнай-газ кен орындарын игеру мониторингі бөлімінің бастығы, директордың орынбасары, департамент директоры, вице-президент болып жұмыс істеді.

2011-2019 жылдары ҚР Мұнай және газ министрлігінде мансабын жалғастырды, онда мұнай-газ кешеніндегі Мемлекеттік инспекция комитетінің Мемлекеттік инспекция және рұқсат беру басқармасын, содан кейін Мұнай-химия және техникалық реттеу департаментін басқарды.

2019 жылдан 2022 жылға дейін «KLPE» ЖШС Басқарма төрағасының орынбасары қызметін атқарды.

2022-2024 жылдары «ҚазМұнайГазға»  тағайындалғанға дейін — ҚР Энергетика Вице-министрі. Бұл лауазымда жер қойнауын пайдалану және мұнай-газ химиясын дамыту мәселелеріне жетекшілік етті, сондай-ақ көмірсутек кен орындарын барлау және игеру жөніндегі орталық комиссияны басқарды.

Наградалар мен құрметті атақтар: 

«Қазақстан Республикасының Тәуелсіздігіне 20 жыл» мерейтойлық медалі (2011), ҚР Құрмет грамотасы – (2015), «Құрмет» ордені - (2023).

Компанияның, сондай-ақ компанияның жеткізушілері мен бәсекелестерінің акцияларын иелену: жоқ.