ҚМГ мен Turkish Petroleum Corporation ынтымақтастықты нығайтуда

Мемлекет басшысы Қасым-Жомарт Тоқаевтың Түркияға ресми сапары аясында «ҚазМұнайГаз» ҰК АҚ (ҚМГ) мен Түрік мұнай корпорациясы (TPAO) арасында ынтымақтастық туралы келісімге қол қойды.

Құжатқа ҚМГ Басқарма төрағасы Асхат Хасенов пен TPAO басшысы Ахмет Түркоғлу қол қойды.

Келісім перспективті учаскелерге кешенді геологиялық зерттеу жүргізу, қолданыстағы мұнай-газ кен орындары бойынша бірлесіп жұмыс істеу мүмкіндіктерін зерделеу, сондай-ақ мұнай сервистік қызметтер көрсету бағыттарын қоса алғанда, екі компанияның Қазақстанда геологиялық барлау жүргізу және көмірсутек өндіру саласындағы өзара іс-қимылын қөздейді.