«ҚазМұнайГаз» кадрлық тағайындау туралы хабарлайды

«ҚазМұнайГаз» кадрлық тағайындау туралы хабарлайды

«ҚазМұнайГаз» ҰК АҚ мұнай сервисі және көмірсутек шикізатын кәдеге жарату жобалары департаментінің директоры болып Жасұлан Балуанов тағайындалды.

Ж. Балуанов 1997 жылы Қазақ мемлекеттік басқару академиясын «Экономист» мамандығы бойынша тәмамдады. 2018 жылы Назарбаев университетінде EMBA дәрежесіне ие болды.

Еңбек жолын «Инвар» консалтинг компаниясының (Алматы қ.) экономика және қаржы бөлімінің бастығы қызметінен бастады.

2006 жылдан 2014 жылға дейін «ЛУКОЙЛ Оверсиз Сервис Лтд.» және «ҚазМұнайГаз» Барлау Өндіру» компанияларының қаржы-экономикалық бөлімінде түрлі лауазымдарда болды.

2014 – 2019 жылдары – «Өзенмұнайгаз» АҚ бас директорының экономика және қаржы жөніндегі орынбасары.

2020 жылдан бастап «ҚазМұнайГаз» ҰК АҚ бизнесті жоспарлау департаментінің директоры, барлау және өндіру блогының корпоративтік және жобалық сүйемелдеу басқармасының бастығы болып қызмет етті.

Бұл тағайындауға дейін ҚМГ-нің Ақтау қаласындағы өкілдігінің тариф саясаты, еңбекақы төлеу жүйесі және құқықтық сараптама департаментінің директоры қызметін атқарды.