«KMG International» жартыжылдық қорытындысын шығарды

Бірінші жартыжылдықтың қорытындысы бойынша «KMG International» тобы (KMGI) өзінің операциялық пайдасын (EBITDA) 114,6 млн. АҚШ долларына дейін ұлғайтты - бұл 71,3 млн. АҚШ долларына жеткен 2017 жылғы көрсеткішке қарағанда 60% жоғары. Таза пайда 2017 жылдың алты айының қорытындысы бойынша 5,2 миллион доллармен салыстырғанда 30,6 миллион долларды құрады.

Компанияда «Kapital.kz» іскерлік ақпарат орталығының тілшісіне хабарланғандай, осы жылдың бірінші жартыжылдығында операциялық тиімділікке шикізатты өңдеу көлемінің 27%, ал ең маңыздысы - Румыния мен аймақта осы жылдың бірінші тоқсанында мұнай өнімдерін сату көлемінің 80% өсуі әсер етті. Таза табыстың ең жоғары көрсеткіштеріне, негізінен, ішкі даму бағдарламалары, сондай-ақ шығындарды оңтайландыру және азайту жөніндегі жобалар есебінен қол жеткізілді.

Өндірістің өсуі байқалды

Румынияда «KMG International» үш өндірістік объектіге - «Petromidia» и «Vega» мұнай өңдеу зауыттары мен «Petrochemicals» мұнай-химия кешеніне иелік етеді. Жалпы алғанда, осы жылдың бірінші жартыжылдығында осы кәсіпорындарда шамамен 3,4 млн тонна шикізат өңделді (2017 жылдың осы кезеңімен салыстырғанда, плюс 27%).

«Petromidia» МӨЗ — Топтың ең ірі активі және Қара теңіз өңіріндегі технологиялық тұрғыдан дамыған мұнай өңдеу кәсіпорындарының бірі. Жылдың бірінші жартысында 3,1 млн. тонна шикізат өңделді – бұл зауыт тарихындағы рекорд.

Орташа тәуліктік өңдеу де ең жоғары нәтижені көрсетті - 17 мың тонна шикізат; жалпы, соңғы он жылда бұл көрсеткіш 2007 жылғы 10,8 мың тоннадан 2017 жылы 16,8 мың тоннаға дейін өсті. Бірінші жартыжылдықта мұнай өңдеу зауыты шамамен 2,42 млн. тонна тауарлық мұнай өнімдерін өндірді, оның 64% астамы – дизельді отын мен авиациялық керосин. Қуаттарды пайдалану коэффициенті 28% өсті (98,45% дейін).

Өсу қарқыны отынға ғана қатысты емес

«Vega» МӨЗ - Румыниядағы ең ескі мұнай өңдеу зауыты. Мұнда қосымша құнымен арнайы өнімдерді өндіруге арналған шикізат пен жартылай фабрикаттар - битум, еріткіштер, гександар «Petromidia» МӨЗ-ден жеткізіледі. Бірінші жартыжылдықта мұнда өткен жылдың бірінші жартыжылдығымен салыстырғанда шикізат көбірек өңделді - 194 мың тонна (+ 28%). Сонымен қатар, мамыр айында кәсіпорында тарихи рекорд тіркелді -  42 мың тонна шикізатты өңдеу бойынша және битум өндірісі бойынша - 13 мың тонна. Қуаттарды пайдалану коэффициенті 25% астам пайызға (117,53%) артты.

Есепті кезеңде «ҚазМұнайГаз» халықаралық мұнай-химия кешеніндегі полимерлердің жалпы өндірісін ұлғайтты: ағымдағы жылдың бірінші жартыжылдығында ол 81,6 мың тоннаны құрады, бұл өткен жылдың бірінші жартыжылдығымен салыстырғанда 26% жоғары.

Румыния мен аймақта мұнай өнімдерін сату – трейдинг өсіп келеді

Болгария, Молдова және Грузияда KMGI тобының еншілес ұйымдары 1,5 млн. тонна мұнай өнімдерін сатты - бұл өткен жылдың бірінші жартыжылдығымен салыстырғанда 5% артық. Румынияның өзінде мұнай өнімдері ең көп көлемде  - 1,4 млн тонна сатылды, өсу 15% құрады. «Petromidia» и «Vega» мұнай өңдеу зауыттары мен «Petrochemicals» мұнай-химия кешенінің тікелей сатылымы ағымдағы жылдың бірінші жартыжылдығында 37% өсіп, 372 мың тоннаға жетті.

Тұтастай алғанда, топтың мұнай өңдеу зауыттары мен мұнай-химия кешені экспортқа шығарылатын мұнай өнімдерінің көлемін 34% арттырды. Бұл ретте, өткізілген өнімнің жалпы құны 926 млн. доллардан асты - бұл 2017 жылдың сол кезеңіне қарағанда 80% жоғары.

Мұнай өнімдерінің қандай көлемі экспортталады?

2018 жылдың бірінші жартыжылдығында KMGI өзінің трейдингтік арналары бойынша 11,5 млн. тонна шикізат пен мұнай өнімдерін ауыстырып тиеді (2017 жылдың сол кезеңімен салыстырғанда плюс 35%). Бұл көлем топтың өндірістік бірліктеріне жеткізілетін шикізатты, сонымен қатар мұнай өнімдерін өздерінің өңірлік еншілес ұйымдары мен  сыртқы серіктестеріне жеткізу / сатуды қамтиды.

Топтық деңгейде 4,45 млн. тонна мұнай өнімдері экспортталды, оның ішінде 2,2 млн. тонна - «KazMunayGasTrading» (KMGI трейдинг және жеткізу тізбегі бөлімшесі) арқылы сыртқы серіктестерге 1,4 млн. тонна Румынияда, 830 мың тонна - Қара теңіз аймағында (Болгария, Молдова және Грузиядағы топтың еншілес компанияларына жеткізуді қоса алғанда).

Компания көлік ретінде кемелерді, баржаларды, цистерналарды және автокөліктерді пайдаланады. Биылғы жылдың бірінші жартысында «Petromidia» және «Vega» мұнай өңдеу зауыттарынан 3,6 миллион тоннадан астам мұнай өнімдері жеткізілді.

Бұл ретте, «Petromidia» мұнай өңдеу зауытына 2009 жылдың басынан бастап 2018 жылдың бірінші жартыжылдығына дейін жеткізілген шикізаттың жалпы көлемі шамамен 40 млн. тоннаны құрады.

MidiaMarineTerminal («Midia» теңіз терминалы) 300-ден астам кемелер мен баржаларға қызмет көрсетеді, бұл ретте теңіз терминалы арқылы 30 мұнай танкері түсірілді. Айта кету керек, компания теңіз терминалын 2009 жылы салған және оған 102 миллион доллар қаржы құйды; логистиканың жеңілдетуге және өзіндік құнын азайтуға арналған буй 4,5 жыл  жұмыс істегеннен кейін салған салымды ақтады.

Сату мүмкіндіктері артуда

KMGI-де Kapital.kz ақпарат көзіне айтылғандай, топ өзінің аймақтық тарату желісін кеңейтуді жалғастыруда, оның құрамына өзінің меншікті және серіктес жанар-жағар май құю станциялары кіреді немесе Румынияда «сату нүктелері» (сауда нүктелерінде азық-түлік өнімдерін сату сияқты) сондай-ақ жанармайды тікелей сату). Мысалы, тек Румынияда жанармай құю станцияларында жанармай емес тауарларды сатудан түскен жалпы пайда 9 миллион долларға жетті, бұл өткен жылдың осындай кезеңіндегі көрсеткіштен 2 миллион долларға (+ 29%) жоғары.

2018 жылдың басынан Молдовада үш жаңа жанар май құю станциясы ашылды, Румынияның Бакэу және Бая Маре қалаларында тағы екі жаңа жанармай станциясы іске қосылды.

Сондай-ақ, жаңа тұжырымдамалар - «Экспресс» станциялар мен ішкі базалары енгізілуде, олар меншікті автокөлік паркі бар компаниялардың аумағында көлемі 20 текше метр жанармай резервуарларын орнатуды көздейді (биыл Грузияда осындай 14 ішкі база ашылды).

Жалпы алғанда, жылдың бірінші жартысының қорытындысы бойынша статистикаға қарасақ, «Petromidia» мұнай өңдеу зауытында өндірілген мотор отындарының саны 1,094-ке жетті (меншікті және серіктес жанар май станциялары, «Экспресс» станциялары және ішкі базалар), бұл 2017 жылдың маусым айымен салыстырғанда 88 объектіге артық.

Бұдан басқа, Болгариядағы KMGI-дің еншілес компаниясы София, Пловдив, Плевен, Севлиево және Боровода (Русе аймағы) бес жанармай құю станциясын бақылауға алды. Ортамерзімді кезеңде бұл станциялар кеңейтілген жаңғырту және Rompetrol стандарттарына келтіру бағдарламасына енгізілетін болады, бұл топқа жергілікті нарықта өзінің қатысуын арттыруға мүмкіндік береді.