«Евро-Азия Эйр» Авиакомпаниясы» АҚ сату туралы

2017 жылғы 8 қарашада Жекешелендірудің 2016-2020 жылдарға арналған кешенді жоспары шеңберінде «Еуро-Азия Эйр» авиакомпаниясы» АҚ 100% акциясын ҚМГ бәсекелестік ортаға сатты. Сатып алушы ашық екі кезеңдік конкурс шеңберінде анықталды.   

ЕАЭ сату «Самұрық-Қазына» ұлттық әл-ауқат қоры» акционерлік қоғамының (бұдан әрі - Қор) және дауыс беретін акцияларының (қатысу үлестерінің) елу пайыздан астамы меншік құқығында Қорға тікелей немесе жанама түрде тиесілі ұйымдардың активтерді сатуының, қайта құрылымдауының бірыңғай қағидаларына сәйкес жүзеге асырылды.  

ЕАЭ – ҚМГ 100% еншілес ұйымы. ЕАЭ қызметінің негізгі түрлері: заңды және жеке тұлғаларға авиатасымалдар бойынша қызметтер көрсету; пайдалы қазбалар кен орындарын дамыту және игеру, мұнай құбырларына, газ құбырларына және электр қуатын беру желілеріне қызмет көрсету бойынша ұшуды орындау. Компанияның авиа-техникалық базалармен, ангарлармен, қосалқы бөлшектер қоймаларымен және жер үсті жабдығымен жарақтандырылған филиалдарының тармақталған желісі бар.