«Қазақтеңізкөлікфлоты» ҰТКҚК» ЖШС «Эмба» және «Талас» сүйреткіштерін қабылдап алды

«Қазақтеңізкөлікфлоты» ҰТКҚК» ЖШС ұлттық флотты қуатты әрі заманауи сүйреткіштермен қамтамасыз етуде өз мүмкіндіктерін кеңейтуде.

Ағымдағы жылғы 15 қыркүйекте Горинхейм қаласында (Нидерланд корольдігі) «Damen» кеме жасау тобының кеме жасау және кеме жөндеу өндірісінде «Қазақтеңізкөлікфлоты» ҰТКҚК» ЖШС тапсырысы бойынша кеме жасауы жүзеге асырылған «Эмба» және «Талас» сүйреткіштерін салтанатты қабылдап алу рәсімі өтті. 

Жоба «Қазақтеңізкөлікфлоты» үшін 3 сүйреткіштің кеме жасауын жүзеге асыруды жоспарлаған «Қазақтеңізкөлікфлоты», «Damen» кеме жасау компаниясы және «Al Hilal» Ислам банкі арасында займ қаражатын тартуға жасасқан шартқа сәйкес іске асырылмақ. Үшінші сүйреткіштің кеме жасауын аяқтау 2018 жылы күтілуде.

Ұзындығы 27 метр, ені 9 метр құрайтын сүйреткіштер Солтүстік Каспийдегі суы тайыз аймақтарда жұмыс жасайды және объектілер мен кемелерді сүйрету, кемелерге ассистенттік қызметтерді ұсыну, навигациялық көмек көрсету, сондай-ақ басқадай көмекші кеме міндеттерін орындайды. 

Осы сүйреткіштерге тән ерекшеліктердің бірі - бұл оларды  жұмыстарды жүргізу аймағында тереңдігі шектеулі қуатта пайдалануда және кеме өлшемдерінің шағын болуында.

 «Damen» кеме жасау компаниясы 40-қа жуық кеме жасау және кеме жөндеу өндірістерін біріктірген, құрылу тарихы бай және кеме жасау тәжірибесі бар кеме жасау және кеме жөндеу өндірістерінің бірі ретінде танылады.

Су жаңа кемелерді қабылдап алу кезінде ҚТКФ Бас директоры Марат Көшкінбайұлы Орманов: «Су жаңа кемелер Каспий теңізінің қазақстандық секторында және Каспий маңы елдерінің басқадай учаскелерінде іске асырылатын жобалар шеңберінде ҚТКФ ұсынатын қызметтер аясын кеңейте түспек» - деді.