Қарашығанақ мұнай-газ конденсат кен орны – Батыс Қазақстан облысында орналасқан және 280 км2 астам аумақты алып жатқан әлемдегі ең ірі мұнай-газ конденсат кен орындарының бірі. Кен орны 1979 жылы ашылды, ал оны тәжірибе жүзінде өнеркәсіп арқылы игеру 1984 жылы басталды.

Қарашығанақ мұнай-газ конденсат кен орны бойынша өнімді бөлу туралы түпкілікті келісім (ӨБТК) Қазақстан Республикасы мен Халықаралық консорциум арасында 1997 жылы 18 қарашада жасалды. Royal Dutch Shell мен Eni компаниялары – Қарашығанақ жобасының бірлескен операторлары. Оны іске асыру «Қарашығанақ Петролиум Оперейтинг Б.В.»(КПО) арқылы жүзеге асырылады.

КПО-дағы акционерлердің иелік ету үлесі: ҚМГ (10%), Eni (29,25%), Shell (29,25%), Chevron (18,00%), ЛУКОЙЛ (13,5%).