«ҚазГӨЗ» ЖШС газ өңдеу зауытын 1973 жылдан бері пайдалануда. Қазіргі уақытта технологиялық жабдықтың жоғары деңгейде тозуы (90%-тен астам) және нормативтен тыс пайдаланылу салдарынан қолданыстағы жұмыс істеп тұрған ҚазГӨЗ зауытын толық тоқтату тәуекелі бар, бұл газды өңдеуге жеткізетін жер қойнауын пайдаланушылардың мұнай және газ өндіру объектілерін толық тоқтату түріндегі салдарға, тауарлық (құрғақ) газ және СМГ (сұйытылған мұнай газы) тапшылығына әкеп соғады.
Ескі ГӨЗ-дің орнына жаңасын салу Маңғыстау облысының тұрғындары мен өнеркәсіптік кәсіпорындарын өнеркәсіптік және әлеуметтік маңызы бар газ өңдеу өнімдерімен қамтамасыз етуге мүмкіндік береді.