«Қашаған» алып кен орны соңғы төрт онжылдықтағы ең ірі кен орны болып табылады.  Қашаған күкіртсутек құрамының жоғары деңгейіне, теңіздегі қатал экологиялық жағдайларға және жобалау, логистика және қауіпсіздік саласындағы мәселелерге байланысты әлемдегі ең күрделі салалық жобалардың бірі болып табылады.  "Қашаған" кен орнын пайдалану жобасы тәжірибелік-өнеркәсіптік игеруден (ТӨИ) және толық ауқымды игеруден (ТАИ) тұрады. Өз кезегінде ТӨИ 1-кезең мен 2-кезеңді қамтиды. 2-кезең мұнай және конденсат өндіру деңгейін келесі 10 жыл ішінде ұлғайтуға бағытталған 2 «А» кезеңі мен 2 «Б» кезеңі болып табылатын үш жеке жоба шеңберінде қаралады.