Ақтауда ҚазМұнайГаз Спартакиадасы басталды

Спорттық шара 20-24 шілде аралығында өтеді. Жарысқа ҚазМұнайГаздың (ҚМГ) 30 еншілес және тәуелді ұйымдарынан 700-ден аса адам қатысады. Олар шағын футбол, волейбол, баскетбол, үстел теннисі, садақ ату, шахмат, киберспорт, жүзу, тоғызқұмалақ, арқан тарту, армрестлинг және асық ату сияқты спорт түрлерінен жарысқа түседі.

 Спартакиадаға «ПетроҚазақстан Ойл Продактс», «Өзенмұнайгаз», «Ембімұнайгаз», «Маңғыстаумұнайгаз», «Қаражанбасмұнай», «ҚазТрансОйл», «Қазақтүрікмұнай», «Oil Services Company», «Өзенмұнайсервис», «Қазгермұнай», «ҚазМұнайГаз», «Атырау мұнай өңдеу зауыты», «Қазақойл Ақтөбе», «Павлодар мұнай-химия зауыты», «ҚазГӨЗ», «ҚМГ Инжиниринг», «ПетроҚазақстан Құмкөл Ресорсиз», «Ойл Транспорт Корпорейшэн», «KMG EP Catering», «Мұнайтелеком», «KMG Drilling&Services», «Маңғыстауэнергомұнай», «Силлено», «Өріктау Оперейтинг», «Қазақтеңізкөлікфлоты», «ҚМГ Қарашығанақ», «KMG Barlau», «Dunga Operating GMBH», «ҚМГ Қашаған Б.В.», «Oil Construction Company» компанияларының құрама командалары қатысады.

Спорттық жарыстардың нәтижелері біздің ақпараттық арналарымызда жарияланатын болады.

ҚазМұнайГаз салауатты өмір салтын, спортпен шұғылдануды насихаттауға және корпоративтік рухты нығайтуға ерекше көңіл бөлуде. Компания жыл сайын спорттық іс-шараларды, соның ішінде қайырымдылық марафондарын өткізіп келеді.