ҚМГ мен Sinosure ынтымақтастық перспективаларын талқылады

«ҚазМұнайГаз» ҰК АҚ (ҚМГ) Басқарма төрағасы Асхат Хасенов Қытайдың Sinosure мемлекеттік корпорациясы директорлар кеңесінің вице-төрағасы және бас директоры Шэн Хэтаймен кездесті.

Тараптар серіктестікті нығайту, оның ішінде Қазақстандағы мұнай-газ-химиясы жобаларына өзара тиімді шарттарда инвестиция құю мүмкіндіктерін талқылады.

Сондай-ақ Қазақстан мен ҚХР арасындағы энергетика және химия өнеркәсібі салаларындағы ынтымақтастық мәселелері бойынша пікір алмасылды. Sinosure еліміздегі инвестициялық бағыттарды белсенді қолдауға ниетті екенін айтты.
 
Кездесу қорытындысы бойынша тараптар барлық маңызды бағыттарда ынтымақтастықты жандандыруға дайын екенін жеткізді.