ҚМГ мен S&P Global әлемдегі энергетика нарығының ағымдағы жағдайын талқылады

АҚШ-тың Хьюстон қаласында жыл сайын өткізілетін CERAWeek энергетика мәселелеріне арналған ең ірі конференция аясында «ҚазМұнайГаз» ҰК АҚ Басқарма төрағасы Асхат Хасенов «S&P Global» Вице-төрағасы Дэниэл Ергинмен кездесті.

Тараптар жаһандық өзгерістер жағдайында Қазақстанның мұнай-газ секторын дамыту перспективаларына назар аудара отырып, әлемдік энергетикалық нарықтың негізгі сын-қатерлерін талқылады.

Кездесу қорытындысы бойынша А.Хасанов Д.Ергин мырзаға нәтижелі диалог және әлемдегі энергетика нарығындағы үрдістер бойынша пікір алмасқандығы үшін алғысын білдірді.

CERAWeek — S&P Global ақпараттық-талдау компаниясы жыл сайын Хьюстон қаласында (АҚШ) өткізетін энергетика мәселелеріне арналған ең ірі конференция.