ҚМГ және Rystad Energy басшылары мұнай-газ секторының өзекті мәселелерін талқылады

«ҚазМұнайГаз» ҰК АҚ Басқарма төрағасы Асхат Хасенов «Rystad Energy» компаниясының атқарушы директоры Яранд Ристадпен кездесті.

Кездесуде екіжақты ынтымақтастықтың перспективалары талқыланды. Сонымен қатар тараптар мұнай-газ секторындағы жаһандық үрдістер мен өзекті сын-қатерлер, соның ішінде энергетика ресурстары нарығындағы конъюнктураның өзгеру жағдайлары бойынша пікір алмасты.

Кездесу қорытындысы бойынша тараптар ақпараттық-талдау саласындағы байланыстарды дамытуға, сондай-ақ өзара тиімді ынтымақтастықты кеңейтуге дайын екенін білдірді.

Анықтама:
Rystad Energy - зерттеу және энергетикалық талдау саласындағы жетекші тәуелсіз халықаралық компания, штаб-пәтері Осло қаласында (Норвегия) орналасқан. Компанияның өнімдері мен шешімдері мұнай-газ саласын, жаңартылатын энергия көздерін, таза технологияларды, жеткізу тізбегін және электр энергиясы нарықтарын қоса алғанда, жаһандық энергетикалық негізгі көрсеткіштердің түрлі аспектілерін қамтиды. Rystad Energy-нің клиенттерінің арасында мұнай сервисі және қаржы компанияларынан басқа, Халықаралық энергетикалық агенттік, Дүниежүзілік банк және басқа да ұйымдар бар.