«ҚазМұнайГаз» ҰК АҚ IPO-сы: акцияларға жазылу аяқталды

«Самұрық-Қазына» АҚ және «ҚазМұнайГаз» ҰК АҚ (ҚМГ) «Астана» халықаралық қаржы орталығының биржасы (Astana International Exchange, AIX) мен Қазақстан қор биржасына (KASE) шыққан IPO  барысында акцияларды сатып алуға инвесторлардың өтінімдерін қабылдау осыған дейін жарияланған уақытқа сай аяқталғанын хабарлайды.

Өтінім беріп, төлеп қойған инвесторлар арасында акцияларды бөлу 2022 жылы 7 желтоқсанда аяқталады, содан кейін акциялар инвесторлардың шоттарына түседі.

Жазылу кезеңінде өтінім беріп үлгермеген инвесторлар ҚМГ акцияларын 2022 жылы 8 желтоқсанға жоспарланған «Астана» халықаралық қаржы орталығының биржасында (Astana International Exchange, AIX) және Қазақстан қор биржасында (KASE) қайталама сауда ашылғаннан кейін нарықтағы бағада сатып ала алады.