«ҚазМұнайГаз» басшысы кәсіподақ жетекшілерімен кездесті

2022 жылғы 4 қазанда Астана қаласында «ҚазМұнайГаз» ҰК АҚ (ҚМГ) Басқарма төрағасы Мағзұм Мырзағалиев «Маңғыстаумұнайгаз» АҚ (ММГ) кәсіподақ ұйымдарының жетекшілерімен кездесті.

Шараға ҚМГ Басқарма төрағасының барлау және өндіру жөніндегі орынбасары Қ.Есқазиев, ММГ бас директоры Д.Хасанов, «ММГ қызметкерлерінің жергілікті кәсіптік одағы» ҚБ төрағасы М.Кентанов, ММГ-ның «Жетібаймұнайгаз» ӨБ қызметкерлерінің жергілікті кәсіптік одағы» ҚБ төрағасы Б.Құлмұрынов, ММГ-ның «Қаламқасмұнайгаз» ӨБ қызметкерлерінің жергілікті кәсіптік одағы» ҚБ төрағасы Б.Қуатбай қатысты.

Кездесу барысында М.Мырзағалиев кәсіподақ ұйымдары басшыларына өндірістік бағдарламаларды жүзеге асыру және еңбек ұжымдарында әлеуметтік тұрақтылықты сақтау бойынша «ҚазМұнайГаз» атқарып жатқан шараларды баяндап берді.  

Жиынға қатысушылар жұмысшылар жиі көтеретін мәселелерді талқылады. Олардың қатарында өндірістік, кадрлық және әлеуметтік мәселелер бар.