2026 жылдың бірінші жартыжылдығындағы өндірістік нәтижелер

«ҚазМұнайГаз» ұлттық компаниясы» АҚ (бұдан әрі – «ҚМГ», «Компания»), Қазақстанның ұлттық мұнай-газ компаниясы, 2026 жылдың бірінші жартыжылдығындағы өндірістік нәтижелерін жариялайды.

2025 жылдың бірінші жартыжылдығымен салыстырғанда 2026 жылдың бірінші жартыжылдығындағы негізгі өндірістік көрсеткіштер:

• Мұнай және газ конденсатын өндіру өткен жылдың сәйкес кезеңіндегі 13 043 мың тоннамен салыстырғанда төмендеп 12 437 мың тоннаны құрады;
• Мұнай тасымалдау көлемі 4,0% ұлғайып, 43 280 мың тоннаны құрады;
• Қазақстандық және Румынияның МӨЗ-де көмірсутек шикізатын (КСШ) өңдеу көлемі өткен жылдың ұқсас кезеңіндегі 10 375 мың тоннамен салыстырғанда, 10 215 мың тоннаны құрады.

Өндірістік көрсеткіштер бірлескен және қауымдасқан компаниялардағы ҚМГ-ның иелену үлесіне сәйкес және егер өзгеше көрсетілмесе, толық шоғырландырылған еншілес ұйымдар үшін көрсеткіштердің 100%-і көрсетілген. Есептеу көрсеткіштері мен нәтижелері дөңгелектеумен көрсетілген. Сонымен қатар есептеулер кезінде дөңгелектеусіз нақты мәндер қолданылды. Компанияның пікірінше, дөңгелектеуге қатысты кез келген мүмкін түзетулер операциялық нәтижелерге материалдық әсер етпеуі керек.

Көмірсутек шикізатын өндіру

ҚМГ мұнай және газ конденсатын өндіру көлемі 2026 жылдың бірінші жартыжылдығында 4,6% төмендеп, 12 437 мың тоннаны (тәулігіне 522 мың барр.) құрады, бұл 2025 жылғы осындай көрсеткішпен салыстырғанда 4,6%-ға төмендеген. Ілеспе және табиғи газды өндіру көлемі (кері айдау көлеміне дейін) 4,7%, яғни 5 457 млн м³ дейін азайды.

Операциялық активтердегі өндіру

«Өзенмұнайгаз» АҚ мұнай өндіру 2 499 мың тоннаны құрады, газ өндіру 4,8% артып, 312 млн м³ құрады. Мұнай өндіру көлемінің шамалы төмендеуіне электрмен жабдықтаудың жүйелі түрде шектелуі себеп болды, мұның салдарынан өндіруші ұңғымалар мен технологиялық жабдықтар мәжбүрлі түрде тоқтатылады, сондай-ақ ұңғымалар қорын сауықтыру бойынша жұмыстар жүргізілуде. Сонымен, кен орнында ұңғымалар қорын сауықтыру бойынша ұйымдастырушылық-техникалық іс-шаралар кешені іске асырылуда. Есепті кезеңде 1 853 ұңғымаға ішкі жабыны бар сорғы-компрессорлық құбырлар енгізілді, 481 ұңғымаға электрлі ортадан тепкіш сорғылар орнатылды, 1 259 ұңғымаға EXPE штангалары енгізілді. Бұл іс-шаралар жөндеуаралық кезеңді ұзартуға, жер асты жөндеулерінің санын азайтуға және жер асты жабдықтары жұмысының сенімділігін арттыруға мүмкіндік береді, бұл болашақта өндіру көлеміне оң әсерін тигізеді. «Ембімұнайгаз» АҚ мұнай және газ өндіру көлемі 7,3% өсіп, 1 476 мың тоннаны құрады, ал газ өндіру көлемі 67,2% өсіп, 179 млн м³ құрады. «Ембімұнайгаз» АҚ‑да газ өндірудің оң динамикасы 2025 жылы Батыс Прорва кен орнында жобалық қуаты жылына 200 млн м³ газға дейін болатын алғашқы іске қосу кешенін пайдалануға берумен байланысты. «Маңғыстаумұнайгаз» АҚ-да мұнай өндіру 1 506 мың тоннаны құрады, газ өндіру 225 млн м³ құрады, бұл 2025 жылдың бірінші жартыжылдығының қорытындысымен салыстырмалы.

Табиғи қорлардың азаюына байланысты Қазгермұнай және PetroKazakhstan Inc. компанияларына тиесілі жетілген кен орындарында мұнай өндірісі басқа операциялық активтердің бөлігі ретінде төмендеуді жалғастырды. Газ өндірісі 4,6%-ға өсіп, 593 миллион текше метрге жетті. Газ өндірісінің бұл өсуі Орал Ойл энд Газ компаниясының 1-кезеңі үшін жобаланған жабдыққа көшуге байланысты болды.

Мегажобалардағы өндіру

Теңізде мұнай өндіру 14,7% төмендеп, 3 321 мың тоннаны (тәулігіне 147 мың баррель) құрады. Ілеспе газ өндіру 7,3% төмендеп, 2 056 млн м³ құрады. Көрсеткіштер КҚК тарапынан мұнай қабылдаудың шектелуіне, сондай-ақ 2026 жылғы қаңтарда Болашақ кеңейту жобасының объектілерінде трансформаторлардың тұтануына байланысты төмендеді, бұл өндірістік қуаттардың толық жүктелмеуіне әкелді; жобалық өндіру 2026 жылғы наурыз айының соңында қалпына келді.

Қашағанда мұнай өндіру көлемі 1 520 мың тоннаны (тәулігіне 67 мың баррель) құрады, бұл 2025 жылдың тиісті кезеңімен шамалас. Газ өндіру 6,5%-ға азайып, 930 млн м³ болды. Көрсеткіштердегі ауытқу КҚК жүйесінің жылжымалы айлақтық құрылғылары (ЖАҚ) жұмысының уақытша шектелуіне байланысты.

Қарашығанақта мұнай мен конденсат өндіру 12,9% азайып, 499 мың тонна (тәулігіне 22 мың баррель) құрады. Бұл ретте резервуарға кері айдауға дейін газ өндіру 12,0% төмендеп, 1 162 млн м³ құрады. Төмендеу КҚК жүйесіне мұнай қабылдаудың тұрақсыздығымен және Орынбор ГӨЗ тарапынан шикі газ қабылдаудың шектеулілігімен байланысты.

Көмірсутек шикізатын тасымалдау

Мұнайды магистральдық және теңіз арқылы тасымалдаудың жалпы көлемі 4,0% артып, 43 280 мың тоннаға жетті.

 ² Ашық теңіздерге Қара және Жерорта теңіздері жатады ↩︎

¹ Мұнай көлемінің бір бөлігін екі немесе үш құбыр компаниясы тасымалдауы мүмкін және сәйкесінше бұл көлемдер мұнай тасымалдаудың шоғырландырылған көлемінде бір реттен артық есепке алынады. ↩︎

Магистральдық құбырлар арқылы мұнай тасымалдау көлемі 0,8% ұлғайып, 36 333 мың тоннаны құрады. Өсім Атырау–Самара (ҚТО) және Атасу–Алашаңқай (ҚҚҚ) бағыттарында жеткізілім көлемінің ұлғаюымен байланысты.

Сонымен қатар оң динамика 2026 жылғы қаңтарда ШАҚ жұмысын уақытша шектеу салдарынан КҚК жүйесі арқылы тасымалдау көлемінің төмендеуі арқылы теңестірілді.

Мұнайды теңіз арқылы тасымалдаудың жалпы көлемі 24,4% өсіп, 6 947 мың тоннаға жетті. Ашық теңіздерде теңіз тасымалы көлемінің ұлғаюы Қара және Жерорта теңіздері маршруттарына тартылған танкер флотының құрамының кеңеюіне, сондай-ақ Жерорта теңізінде тасымалдау үшін жүк сыйымдылығы үлкен Suezmax типті қосымша кемелердің тартылуына байланысты.

Каспий теңізі арқылы мұнай тасымалдау көлемінің өсуі өткен жылдың ұқсас кезеңінде жаңғырту үшін уақытша пайдаланудан шығарылған «Taraz» және «Liwa» танкерлерін пайдалануды қайта бастауға байланысты.

Жүк айналымы

Мұнай айналымы 3,6% төмендеп, КҚК жүйесі арқылы мұнай тасымалдау көлемінің төмендеуіне байланысты 31 485 млн тонна*км құрады.

Көмірсутек шикізатын өткізу және жеткізу

ҚМГ үлесіне тиесілі өндірілген мұнай мен газ конденсатын өткізу және жеткізу көлемі 5,7% төмендеп, 12 284 мың тоннаны құрады, оның 65,3%-ы экспортқа шығарылды. Ішкі нарық қажеттіліктерін жабу үшін мұнай мен газ конденсатын ішкі нарыққа жеткізу 4 268 мың тонна құрады, оның ішінде мұнай өнімдерін одан әрі өңдеу және өткізу үшін Атырау мұнай өңдеу зауытына (АМӨЗ), Павлодар мұнай-химия зауытына (ПМХЗ) және Шымкент мұнай өңдеу зауытына (ПКОП) 2 749 мың тонна көлемінде операциялық активтердің («Өзенмұнайгаз» АҚ, «Ембімұнайгаз» АҚ «Қазақтүрікмұнай» ЖШС және «Өріктау Оперейтинг» ЖШС шикі мұнайы жеткізілген.

Көмірсутек шикізатын өңдеу

 ¹ ПКОП және Caspi Bitum өңдеу көлемі 50% үлесіне, қалған зауыттарда – 100% үлесіне көрсетілген. ↩︎

2026 жылдың бірінші жартыжылдығының қорытындысы бойынша ҚМГ отандық және шетелдік активтерінде КСШ өңдеудің жиынтық көлемі 10 215 мың тоннаны құрады, өткен жылдың көрсеткіштеріне қарағанда 1,5% төмендеді:

• Есепті кезеңде АМӨЗ бен ПҚОП-та жоспарлы жөндеу жұмыстары жүргізілгеніне қарамастан, Қазақстанның мұнай өңдеу зауыттары 7 453 мың тонна өңдеді, бұл 0,6%-ға өсім. Сонымен қатар, ашық түсті мұнай өнімдерінің өнімділігі 2,2%-ға өсіп, тарихи ең жоғары көрсеткіш 78,8%-ға жетті.
• Румыниядағы KMG International (Петромидия, Вега) зауыттарында өңдеу көлемі 7,0% қысқарып, 2 763 мың тоннаны құрады. Төмендеу жоспарлы болды және «Петромидия» және «Вега» МӨЗ-де жоспарлы ағымдағы жөндеу жүргізілуіне байланысты.

Мұнай өнімдерін өндіру

Жеңіл және ауыр мұнай өнімдерін шығару 0,9%-ға төмендеп, 9 599 мың тоннаны құрады. Жөндеу жұмыстарына байланысты Румыниядағы өндіріс көлемі 6,9%-ға азайып, 2 700 мың тонна болса, Қазақстандағы өңдеу сегменті, керісінше, 1,7% өсім көрсетіп, 6 898 мың тоннаға жетті:

• Өндірістің ақшыл мұнай өнімдеріне қарай ауысуы байқалады. Қазақстандық МӨЗ-де бензин өндірісі 4,9% 2 446 мың тоннаға дейін, ал дизель отыны 4,7%, яғни 2 639 мың тоннаға дейін ұлғайды.
• Румынияда (KMG International) «Петромидия» және «Вега» зауыттары жоспарлы ағымдағы жөндеуге тоқтауына байланысты өндіріс 6,9%, яғни 2 700 мың тоннаға дейін қысқарды.

Корпоративтік орталықтың көтерме сатуы¹

 ¹ ҚМГ корпоративтік орталығы бас компанияның функцияларын орындаумен қатар кейіннен өндірілген мұнай өнімдерін сата отырып, еншілес және тәуелді ұйымдардан (ЕТҰ) мұнай сатып алу және өңдеу жөніндегі операциялық қызметті жүзеге асырады. ↩︎

ҚМГ корпоративтік орталығы арқылы меншікті мұнай өнімдерінің жиынтық сатылымы 3,8% өсіп, 3 050 мың тоннаны құрады.

• Қазақстан ішінде жеткізілім көлемі 7,2%, яғни 2 864 мың тоннаға дейін өсті. Негізгі фактор – дизель отыны мен бензинге өсіп келе жатқан сұранысты қанағаттандыру болды, отандық МӨЗ-де өндірістің ұлғаюы есебінен өсім сәйкесінше 11,5% және 6,5% құрады.
• Шикізат ағындарының жеңіл мұнай өнімдерін өндіруге қайта бағытталуына байланысты басқа фракциялардың экспорттық жөнелтілімдері 30,9% төмендеді.

Полипропилен өндіру және сату

2026 жылдың бірінші жартыжылдығында полипропилен өндіру көлемі 4,3% қысқарып, 102,3 мың тоннаны құрады. Операциялық көрсеткіштерге жыл басында Теңіз кен орнынан пропанның шикізат жеткізілімдерінің тұрақсыздығы әсер етті.

Есепті кезеңде полипропилен сатылымы 5,3% төмендеп, 95,1 мың тоннаны құрады:

• Полипропиленді ішкі нарыққа сату көлемі 5,9%, яғни 10,0 мың тоннаға дейін өсті. Динамика ішкі сұраныстың өсуіне және «Форсаж» төлемдерді кейінге қалдыру бағдарламасын қоса алғанда, отандық өңдеушілерді қолдаудың коммерциялық бағдарламаларына байланысты.
• Экспортқа полипропилен сату көлемі 6,5% азайып, 85,1 мың тоннаны құрады. ҚХР нарығында базалық маркаларды сату көлемінің төмендеуі маржалық әртараптандырумен және Еуропалық Одақ елдеріне экспорттың ұлғаюымен ішінара өтелді.

Егжейлі-тегжейлі ақпарат мына сілтеме бойынша қолжетімді: http://www.kmg.kz/

Байланыс телефондары:

ir@kmg.kz, тел: +7 7172 78 64 34

«ҚазМұнайГаз» ұлттық компаниясы» АҚ туралы

«ҚазМұнайГаз» ұлттық компаниясы» АҚ (ҚМГ) Қазақстанның тігінен интеграцияланған жетекші мұнай-газ компаниясы болып табылады. ҚМГ көмірсутектерді барлау мен өндіруден бастап, тасымалдау, өңдеу және мамандандырылған қызметтерді көрсетуге дейін барлық өндірістік цикл бойынша активтерді басқарады. Компания 2002 жылы құрылды, еліміздің мұнай-газ саласында Қазақстанның мүдделерін білдіреді.

ҚМГ негізгі активтеріне мыналар жатады:

• Барлау және өндіру: «Өзенмұнайгаз» АҚ (ӨМГ) – 100%, «Ембімұнайгаз» АҚ (ЕМГ) – 100%, «Қазақтүрікмұнай» ЖШС (ҚТМ) – 100%, «Өріктау Оперейтинг» ЖШС (ӨО) – 100%, Дунга¹ – 60%, «Маңғыстаумұнайгаз» АҚ (ММГ) – 50%, «Қазгермұнай» БК ЖШС (ҚГМ) – 50%, PetroKazakhstan Inc. – 33%, «Қаражанбасмұнай» АҚ (КБМ) – 50%, «Қазақойл Ақтөбе» ЖШС (ҚОА) – 50%, «Орал Ойл энд Газ» ЖШС (ООГ) – 50%, «Теңізшевройл» ЖШС (ТШО) – 20%, Қарашығанақ² – 10%, Қашаған³ – 16,88%.
• Тасымалдау: «ҚазТрансОйл» АҚ – 90%, «Батуми мұнай терминалы» ЖШС – 100%, «Қазақстан-Қытай Құбыры» ЖШС (ҚҚҚ) – 50%, «МұнайТас» СБҚК ЖШС – 51%, Каспий Құбыр Консорциумы⁴ (КҚК) – 20,75%, «ҚазТеңізКөлікФлоты» ҰТКҚК ЖШС (ҚТКФ) – 100%.
• Өңдеу және маркетинг: «Павлодар мұнай-химия зауыты» ЖШС (ПМХЗ) – 100%, «Атырау мұнай өңдеу зауыты» ЖШС (АМӨЗ) – 99,53%, KMG International N.V. – 100%, Петромидия – 54,62%, Вега – 54,62%, «KMG PetroChem» ЖШС – 100%, «ПетроҚазақстан Ойл Продактс» (ПКОП)⁵ – 49,72%, «Caspi Bitum» БК ЖШС (Caspi Bitum) – 50%, «KC Energy Group» ЖШС – 49%, «Kazakhstan Petrochemical Industries Inc.» ЖШС (KPI) – 49,5%, «Силлено» ЖШС⁶ – 40%.
• Басқалары: «KMG Drilling & Services» ЖШС – 100%, «Oil Services Company» ЖШС – 100%, «Oil Construction Company» ЖШС – 100%, «Кен-Құрылыс-Сервис» ЖШС – 100%, «KMG Systems & Services» ЖШС – 100%, «Қазақ газ өңдеу зауыты» ЖШС (ҚазГӨЗ) – 100%, «ҚазРосГаз» ЖШС (КРГ) – 50%.

Ескертпелер

1. Dunga Operating GmbH – 100% шоғырландырылған еншілес кәсіпорын, ол Дунга жобасы бойынша өнімді бөлу туралы шарттағы үлестің 60%-ын иеленеді.↩︎

2. «ҚМГ Қарашығанақ» ЖШС – 100% шоғырландырылған еншілес кәсіпорын, ол Қарашығанақ жобасы бойынша өнімді бөлу туралы түпкілікті келісімнің 10% үлесін иеленеді.↩︎

3. «ҚМГ Қашаған» ЖШЖК – 100% шоғырландырылған еншілес кәсіпорын, ол Солтүстік Каспий жобасы бойынша өнімді бөлу туралы келісімнің 16,88% үлесін иеленеді.↩︎

4. Үлестің 19%-ы ҚМГ-ға тікелей тиесілі, 1,75%-ы Қазақстан Пайплайн Венчурс ҚБ бірлескен кәсіпорны арқылы тиесілі.↩︎

5. 49,72% - Valsera Holdings B.V. 50% иелену арқылы сатылатын жанама қатысу үлесі, ол өз кезегінде «ПетроҚазақстан Ойл Продактс» ЖШС (ПКОП) 99,43%-ына иелік етеді. ПКОП-қа қатысты Шымкент мұнай өңдеу зауытының өндірістік нәтижелерін бағалау кезінде өндіріске 50% қатысу үлесі ескеріледі.↩︎

6. Үлестің 29,9%-ы ҚМГ-ға тікелей, 10,1%-ы «KMG PetroChem» ЖШС еншілес кәсіпорны арқылы тиесілі.↩︎