Атырау мұнай өңдеу зауытында каталитикалық крекинг қондырғысы белгіленген мерзімнен бұрын іске қосылды

Атырау мұнай өңдеу зауытының каталитикалық крекинг қондырғысында жоспарлы - алдын ала тексеру  жұмыстары кестеден бұрын аяқталып іске қосылды. 

Мамандандырылған ұйымдардың қарқынды жұмылдырылуы және зауыттың профильді қызметтерінің жіті бақылауы нәтижесінде  каталитикалық крекинг қондырғысы 29 қазанда - жоспарланған мерзімнен екі күн бұрын (кесте бойынша 1 қарашаға белгіленген) тұрақты жұмыс режиміне шықты, бұл сұйытылған мұнай газын өндіруді қайта бастауға және дизель отыны өндірісін ұлғайтуға мүмкіндік берді.

Айта кетсек, қалған технологиялық қондырғыларда да жоспарлы-алдын ала тексеру жұмыстарының негізгі бөлігі аяқталды. Жабдықтарды кезең-кезеңімен технологиялық режимге шығару жоспарлануда.

Кәсіпорын тұрақты жұмыс режиміне қараша айының алғашқы онкүндігінде шығады.