Қызылордада ПетроҚазақстан Инк. қызметінің алдағы жоспарлары талқыланды

Бүгін ҚазМұнайГаз басшысы Асхат Хасеновтің төрағалығымен өндіріс мәселелеріне арналған жиын өтті. 

Кездесуде А.Хасенов өңірде геологиялық барлауды дамытуға назар аудару қажеттігін атап өтті. Бұл ретте ҚМГ қытайлық серіктестерге Оңтүстік Торғай бассейнінде ресурстық базаны дамыту перспективаларын зерделеуге көмектесуге дайын. 

Сондай-ақ бірлескен өндіруші активтердің алдағы жұмыстарына қатысты жоспарлар, соның ішінде өндіру деңгейін сақтау және ескі кен орындарды игеру тиімділігін арттыру бойынша қабылданып жатқан шаралар қаралды. Геологиялық-техникалық іс-шараларды іске асыруға ерекше назар аударылды.

Бұдан басқа, өндірістік қауіпсіздік мәселелері қамтылды. Атап айтқанда еңбекті қорғау талаптарының сақталуын бақылауды күшейту және оқыс оқиғалардың алдын алу.

Анықтама: 
PetroKazakhstan Inc. — вертикалды интеграцияланған мұнай-газ компаниясы. «Қытай ұлттық мұнай-газ корпорациясы» (CNPC 67%) және ҚМГ (33%). Компания Оңтүстік Торғай бассейнінде мұнай кен орындарын игереді, сондай-ақ Шымкент мұнай өңдеу зауытында үлесі бар.