ҚазМұнайГаз Ұлттық геологиялық қызметімен геологиялық деректерді цифрландыру саласындағы стратегиялық серіктестікті нығайтады

Астанада «Geoscience & Exploration Central Asia» халықаралық геологиялық форумы аясында «ҚазМұнайГаз» ҰК АҚ (ҚМГ) мен «Ұлттық геологиялық қызмет» АҚ (ҰГҚ) арасында ынтымақтастық туралы келісімге қол қойылды.

ҚМГ Мемлекет басшысының Қазақстан халқына Жолдауындағы барлық геологиялық ақпаратты цифрландыру мен жүйелендіру процесін жеделдету жөніндегі тапсырмасын ескере отырып, қазіргі уақытта геологиялық деректерді өңдеу, талдау, жүйелеу және тиімді пайдалану үшін заманауи технологияларды енгізу бойынша ауқымды жұмыс жүргізуде.

ҚМГ мен ҰГҚ арасындағы келісім 2026-2030 жылдар аралығында тарихи геологиялық-геофизикалық ақпаратты қайта өңдеуді көздейді, бұл шөгінді бассейндердің геологиялық перспективаларын қайта қарауға, тәуекелдерді азайтуға, инвестициялық тартымдылықты арттыруға және стратегиялық серіктестерді тарту бағытындағы жұмысты жеделдетуге мүмкіндік береді.