«ҚазМұнайГаз» кадрлық тағайындау туралы хабарлайды

«ҚазМұнайГаз» ҰК АҚ тасымалдау және логистика департаментінің директоры болып Ерболат Меңдібаев тағайындалды.

Е.Меңдібаев 1988 жылы В.Ленин атындағы Қазақ политехникалық институтын «Машина жасау технологиясы. Инженер-механик» мамандығы бойынша тәмамдады. 2022 жылы И.Губкин атындағы Ресей мемлекеттік университетінде мұнай-газ бизнесін басқару бойынша MBA дәрежесіне ие болды.

Еңбек жолын 1988 жылы «Каспий маңы тау-кен металлургия комбинаты» өндірістік бірлестіктің жөндеу-механикалық зауытында (Ақтау қ.) бастап, онда токарь, шебер және инженер-технолог болып еңбек етті.

1993-1996 жылдары – МАЭК Жөндеу зауытында (Ақтау қ.) слесарь-жөндеуші, инженер-технолог.

1996-2022 жылдар аралығында «ҚазТрансОйл» АҚ жүйесінде түрлі қызметтер атқарды. Атап айтқанда, Батыс филиалында – инженер, жетекші инженер, тауар тасымалдау бөлімінің бастығы; ҚТО-да менеджер, бас менеджер, тауар тасымалдау операциялары жөніндегі департамент директоры; Шығыс филиалында тауар-көлік операциялары жөніндегі директордың орынбасары, Бас диспетчерлік орталықтың директоры, бас директордың орынбасары – «Мұнай тасымалдау басқармасының орталығы» филиалының директоры болды.

Соңғы қызметке тағайындалуға дейін «ҚазМұнайГаз» ҰК АҚ мұнай тасымалдау басқармасын басқарды.