«ҚазМұнайГаз» ҰК АҚ кадрлық тағайындау туралы хабарлайды

«ҚазМұнайГаз» ҰК АҚ (ҚМГ) Директорлар кеңесінің шешімімен ҚМГ Омбудсмені — Омбудсмен қызметінің басшысы лауазымына Еркін Рахымбергенов тағайындалды.

Е.Рахымбергенов 1993 жылы Көкшетау мемлекеттік университетін «Инженер-механик» мамандығы бойынша тәмамдады. 1998 жылы ҚР Президенті жанындағы Қазақстан менеджмент, экономика және болжау институтында мемлекеттік басқару магистрі дәрежесін алды.

Е.Рахымбергенов әр жылдары Еңбек және халықты әлеуметтік қорғау министрлігінің Астана қаласы бойынша департаментін, ҚМГ-нің адам ресурстарын басқару департаментін және әлеуметтік саясат департаментін басқарды.

Омбудсмен болып тағайындалғанға дейін Е. Рахымбергенов ҚМГ әлеуметтік саясат басқармасының басшысы болып қызмет атқарды.