«ҚазМұнайГаз» ҰК АҚ кадрлық тағайындау туралы хабарлайды

«ҚазМұнайГаз» ҰК АҚ Мұнай және газ өндіру департаментінің директоры болып Ержан Абылханов тағайындалды.

Е.Абылханов 2006 жылы Қ.И.Сәтбаев атындағы Қазақ ұлттық техникалық университетін мұнай және газ факультеті «Мұнай-газ кен орындарын игеру және пайдалану» мамандығы бойынша тәмамдады. 2009 жылы Малайзия Технологиялық университетінің магистратурасын (мұнай ғылымдары) бітірді.

Е.Абылханов бұған дейін «Қарашығанақ Петролеум Оперейтинг Б.В.» компаниясында қазақстандық бизнесті дамыту жөніндегі басқарушысы қызметін атқарып келді.

Е.Абылханов әр жылдары Атырау облысы әкімінің орынбасары, ҚР Энергетика министрлігінің жер қойнауын пайдалану департаментінің директоры, ҚР Энергетика министрлінінің «Мұнай және газ ақпараттық талдау орталығы» АҚ бас директорының орынбасары қызметтерін атқарды.

2010 жылдан бастап 2019 жылға дейін CMOC B.V. (Ақтау) компаниясының кәсіпшілік инженері, бас инженері, жетекші инженері, техникалық директоры болды.