Бейжіңде ҚМГ басшысы CNCEC төрағасымен кездесті

«ҚазМұнайГаз» ҰК АҚ (ҚМГ) Басқарма төрағасы Асхат Хасенов Бейжіңге сапары барысында China National Chemical Engineering Co. Ltd (CNCEC) басшысы Мо Дингемен кездесу өткізді.

Тараптар мұнай-газ саласындағы, оның ішінде заманауи технологияларды қолдана отырып, мұнай-газ химиясы бағытындағы бірлескен жобаларды іске асыру бойынша өзара тиімді ынтымақтастықтың перспективаларын қарастырды.

CNCEC компаниясы жүзеге асырылған өнеркәсіптік жобалары мен өзінің ғылыми-техникалық әзірлемелері туралы ақпарат ұсынды.

Кездесу қорытындысы бойынша тараптар ынтымақтастықтың негізгі бағыттары бойынша байланыстарды күшейтуге келісті.