ҚМГ өкілдері Ташкентте өткен форумда комплаенс саласындағы тәжірибелерімен бөлісті

«ҚазМұнайГаз» ҰК АҚ өкілдері Ташкент қаласында өткен Өзбекстанның халықаралық энергетика форумының жұмысына қатысты.

ҚМГ Комплаенс қызметінің басшысы Гүлмира Молдағалиева форумның пленарлық сессиясында сөз сөйледі. Сарапшылар Қазақстандағы комплаенсті дамыту мәселелерін, сондай-ақ квазимемлекеттік секторда ішкі бақылаудың тиімді жүйелерін құрудың заманауи тәсілдерін талқылады.

Іс-шарада ҚазМұнайГаз компаниялар тобының практикалық тәжірибесі мен даму моделі таныстырылды. Сонымен қатар халықаралық стандарттарды енгізу, комплаенс процестерді жетілдіру, адал қызмет мәдениетін қалыптастыру және корпоративтік басқарудың ашықтығын арттыру мәселелеріне ерекше назар аударылды.