ҚМГ комплаенс өкілдері Бакуде өткен форум жұмысына қатысты

«ҚазМұнайГаз» ҰК АҚ (ҚМГ) Комплаенс қызметінің өкілдері Әзербайжан мемлекеттік мұнай компаниясының (SOCAR) шақыруымен Business Integrity in the Energy Value Chain Forum халықаралық форумының жұмысына қатысты.

ҚМГ мамандары ұлттық мұнай компанияларындағы сыбайлас жемқорлыққа қарсы жүйелер мен халықаралық комплаенс стандарттарын нығайту мәселелері бойынша баяндама жасады. ҚазМұнайГаздың комплаенс тақырыбын ілгерілету, сыбайлас жемқорлық тәуекелдерінің алдын алу, іскерлік әдеп пен адалдық мәдениетін қалыптастыру бағытындағы тәжірибесі таныстырылды.

Форум энергетика компанияларының өкілдері мен комплаенс саласындағы сарапшыларды біріктіріп, энергетика секторындағы ашықтықты арттыру және сыбайлас жемқорлыққа қарсы тетіктерді жетілдірудің практикалық мәселелерін талқылау алаңына айналды.

Осындай іс-шаралар озық тәжірибелерді алмасуға және ҚазМұнайГаз компаниялары тобындағы комплаенс жүйесін одан әрі жақсартуға ықпал етеді.