ҚазМұнайГаз Еуропада өз қызметін кеңейтуде: KMG International Румыниядағы ірі күре жолдардың бірінде алғашқы жанармай құю станцияларын ашты

KMG International еншілес компаниясы – Rompetrol Downstream – Румынияда алғаш болып жаңа A3 күре жолының («Трансильвания автокөлік жолы») бойында жанармай құю станцияларын іске қосты. Нысандар Тыргу-Муреш қаласынан 20 км жерде орналасқан және өңірдегі негізгі көлік дәліздерінің бірінде автожүргізушілерге заманауи отын құю әрі сервистік қызметтер ұсынады.

Екі жаңа жанармай құю станцияларының ашылуы - KMG International-дың бөлшек сауда бизнесін дамыту және Еуропа нарығындағы қызметін кеңейту жөніндегі стратегиясын іске асырудың маңызды кезеңі. Компания клиенттерді жоғары сапалы отынмен қамтамасыз ете отырып, заманауи талаптарға сәйкес келетін кешенді сервистік шешімдерді ұсынады.

Әрбір жаңа станцияның аумағы 271 шаршы метрді құрайды, сондай-ақ тамақтану мен бөлшек сауда орындарын қамтиды.

Әр станцияның инфрақұрылымында:
- үш көп отынды жанармай тарату колонкасы;
- бір жылдамдығы жоғары жанармай құю колонкасы;
- ауаға зиянды шығарындыларды азайту мақсатында заманауи дизель отынымен жүретін автокөліктер қолданатын AdBlue реагентін құюға арналған жеке колонка;
- сұйытылған мұнай газын (LPG) құю қондырғысы;
- электр көліктеріне арналған төрт жедел қуаттау пункті;
- жеңіл автокөлікке арналған 42 тұрақ орны;
- жүк көлігіне арналған 11 тұрақ орны қарастырылған.

Жақын арада компания Брашов және Сучава қалаларының айналма жолдарында тағы төрт нысанды ашуды жоспарлап отыр.

2026 жылғы маусым айының соңындағы жағдай бойынша Rompetrol Downstream желісінде 1 208 отын құю нысан, соның ішінде меншік әрі серіктестік жанармай құю станциялары, Express мобильді станциялары және ішкі отын базалары болды.

Бөлшек сауда желісіне сондай-ақ 280-нен астам LPG қондырғысы, шамамен 7 000 баллон газын сату пункті және үш газ терминалы кіреді. Румынияның түрлі өңірлерінде орналасқан алты мұнай базасы компанияның логистикасын қамтамасыз етеді.