Атырауда KMG Digital Hackathon 2026 іс-шарасы өтті

Сафи Өтебаев атындағы Атырау мұнай және газ университетінің базасында KMG Digital Hackathon 2026 өтті. Ауқымды іс-шараға республиканың әр өңірінен келген 20 команда мен 80-нен астам жас IT-мамандары, студенттер мен әзірлеушілер жиналды.

Екі күн бойы қатысушылар екі негізгі бағыт - геология және персоналды басқару бойынша мұнай-газ саласына арналған цифрлық шешімдердің прототиптерін жасады.

Хакатонды «ҚазМұнайГаз» ҰК АҚ қолдауымен «KMG Digital» ЖШС және Сафи Өтебаев атындағы Атырау мұнай және газ университеті бірлесіп ұйымдастырды. Жоба жастардың инновациялық әлеуетін дамытуға және мұнай-газ саласына енгізу үшін перспективті шешімдерді іздеуге бағытталған.

Іс-шараның қорытындысы бойынша әр бағытта үш үздік жоба анықталды.