ҚМГ мен CITIC Construction Қарашығанақ газ өңдеу зауытын салу бойынша ынтымақтастықты нығайтуға келісті

«ҚазМұнайГаз» ҰК АҚ және Қытайдың «CITIC Construction Co., Ltd» компаниясы арасында Қарашығанақ газ өңдеу зауытын салу бойынша ынтымақтастықтың базалық қағидаттары туралы келісімге қол қойылды.

Құжат Қарашығанақ ГӨЗ жобасын іске асыру негіздерін, оның ішінде құнын бағалау, жабдықтар жиынтығын және ынтымақтастық бағыттарын айқындайды. Сонымен қатар тараптар жобалық құжаттаманы (FEED) әзірлеуге көшу, тиімді техникалық және ұйымдастырушылық шешімдерді іздеу үшін ары қарай бірлесіп жұмыс жасауға уағдаласты.