Қазақстан қор биржасы ҚазМұнайГазды үздік корпоративтік есептері үшін марапаттады

«ҚазМұнайГаз» ҰК АҚ жылдық есепте және тұрақты даму туралы есепте үздік ақпаратты ашып көрсетудің үздік тәжірибесі үшін Қазақстан қор биржасының (KASE) бірқатар номинациясына ие болды.

2025 жылдың қорытындысы бойынша қор нарығында жоғары нәтижелерге қол жеткізген листинг компаниялары мен биржа мүшелерін 24-ші жыл сайынғы марапаттау салтанаты барысында ҚазМұнайГаз «Ашықтыққа ұмтылысы үшін» наградасының иегері атанды. Сондай-ақ осы номинация бойынша ҚМГ еншілес компаниясы — «ҚазТрансОйл» АҚ атап өтілді.

Бұдан бөлек, ҚМГ 26 компания арасындағы жылдық есептер конкурсына қатысып, «Қаржы емес сектордағы 2024 жылғы үздік жылдық есеп» , «Қаржы емес сектордағы 2024 жылғы тұрақты даму туралы үздік есеп» номинациялары бойынша жүлдегер болды.

Байқау аясында 150-ге жуық түрлі өлшемшартты қамтитын есептерді бағалаудың арнайы тәртібі әзірленді.

Айта кетсек, ҚМГ корпоративтік есептіліктің халықаралық озық тәжірибелеріне сай болуға ұмтыла отырып, өз қызметі жайында толық әрі сапалы ақпарат дайындауға ерекше назар аударады.