«ҚазМұнайГаз» ҰК АҚ кадрлық тағайындау туралы хабарлайды

«ҚазМұнайГаз» ҰК АҚ баспасөз қызметінің жетекшісі болып Дана Бахтығалиева тағайындалды.

Бахтығалиева Дана Серікбайқызы — 20-жылдық тәжірибесі бар медиа-менеджер.

1998-2016 жылдары «Хабар» Агенттігі» АҚ («Хабар» радиосы, «Ел арна», «CaspioNet» телеарнасы), «ОРТ-Еуразия» телеарналарында редактор, продюсер, жүргізуші болып қызмет етті.

2016-2019 жылдары «Almaty TV» телеарнасында бағдарламалар директоры, өндірістік департаменттің анонстар және арнайы жобалар бөлімінің басшысы, өндіріс департаментінің директоры, Бас директордың орынбасары ретінде сан қырынан танылды.

Тағайындауға дейін «Astana TV» арнасы Бас директорының орынбасары қызметін атқарды.

Дана Бахтығалиева — Қазақстан Республикасының мемлекеттік наградасы «Шапағат» медалінің, сондай-ақ, ҚР Ақпарат және коммуникациялар министрлігінің «Ақпарат саласының үздігі» медалінің иегері.