Жұмысшы әйелдерді қолдау: ҚМГ JanAru бағдарламасын іске қосты

ҚазМұнайГаз Мемлекет басшысы жариялаған «Жұмысшы мамандықтар жылы» аясында, сондай-ақ елдегі гендерлік саясатты қолдау мақсатында мұнай-газ саласында еңбек ететін жұмысшы әйелдерді қолдауға арналған JanAru (Жаңару) бағдарламасын іске қосты.

Бағдарламаның бірінші сессиясы Ақтау қаласында өтті. Оған ҚМГ-ның еншілес және тәуелді ұйымдарынан 40-қа жуық адам қатысты. JanAru бағдарламасының мақсаты — өндірісте еңбек ететін әйелдердің кәсіби және тұлғалық дамуына жәрдемдесу.

Бағдарлама қаржы сауаты, қоршаған ортаны қорғау, ысырапсыз көзқарас, цифрландыру және кәсіптік бағдарлау бойынша тақырыптық модульдерді қамтиды. Сондай-ақ отбасы құндылықтарын нығайтуға және мәдени дәстүрлерді сақтауға ерекше назар аударылады. Осындай оқулар еліміздің басқа өңірлерінде де өткізілетін болады.