IPO аясында «ҚазМұнайГаз» ҰК АҚ акцияларына жазылуға қатысу үшін өтініш қабылдау басталды
10.11.2022
2022 жылғы 9 қарашада Қазақстан қор биржасы мен «Астана» халықаралық қаржы орталығының сауда желісінде IPO аясында «ҚазМұнайГаз» ҰК АҚ (бұдан әрі – ҚМГ) жай акцияларына жазылуға қатысу үшін өтініш қабылдау басталды. Институционалдық инвесторлардан өтініш қабылдау 2022 жылы 30 қарашада Астана уақыты бойынша сағат 18:00-де, ал жеке инвесторлардан 2022 жылы 2 желтоқсанда сағат 15:00-де аяқталады.
ҚМГ IPO-сының бірлескен үйлестірушілері мен букраннерлері - «BCC Invest» АҚ, «Фридом Финанс» АҚ, «Halyk Finance» АҚ және «SkyBridge Invest» АҚ ҚМГ IPO-сы туралы өздерінің сараптамалық шолуларын жариялады:
«Фридом Финанс» АҚ: «КазМунайГаз»: нефтяная рента для казахстанцев
«BCC Invest» АҚ: АО «НК «КазМунайГаз» (КМГ) Капитализация сырьевого потенциала
«Halyk Finance» АҚ: НК КазМунайГаз: рекомендация Покупать
«SkyBridge Invest» АҚ: IPO КМГ - растущая история
Еске сала кетейік, 2022 жылдың 7 қарашасында «Самұрық-Қазына» АҚ (бұдан әрі – Қор) мен ҚМГ алғашқы жария ұсынысын жүзеге асыру ниеті туралы мәлімдеді. Қор 30 505 974 акцияны сатуға ұсынуға ниетті, бұл жалпы орналастырылған акция санының (610 119 493 дана мөлшерінде) 5 %-ын құрайды.
Бір акцияның бағасы 8 406 теңге болып белгіленді.