ҚМГ мен Hyundai Engineering мұнай-газ саласында ынтымақтастық орнатуға келісті

12 маусымда Астана қаласында «ҚазМұнайГаз» ҰК АҚ мен Оңтүстік Кореяның Hyundai Engineering Co., Ltd инжиниринг компаниясы ынтымақтастық туралы келісімге қол қойды.

Тараптар мұнай-газ және мұнай-химия салаларында ынтымақтастық орнатуға келісті.

Екіжақты құжатқа ҚМГ Басқарма төрағасы Асхат Хасенов пен Hyundai Engineering компаниясының президенті Хён Сонг Хонг қол қойды.

Келісім мұнай-газ және мұнай-химия секторларында ынтымақтастық мүмкіндіктерін зерделеуді көздейді. Сонымен қатар құжат техникалық білім, технология мен тәжірибе алмасуды және мамандарды оқытуды қамтиды.

Анықтама:

Hyundai Engineering Co., Ltd — Оңтүстік Кореялық жобалардың бүкіл өмірлік циклі бойынша кешенді шешімдерді ұсынуда тәжірибесі мол EPC мердігер компания. Яғни, жобаның алғашқы кезеңі – FEED-тен бастап оны жобалау, сатып алу, салу және пайдалануға беруге дейінгі техникалық-экономикалық және тұжырымдамалық негіздемені қамтиды. Сонымен қатар компания мұнай-газ өңдеу, мұнай-химия, тыңайтқыштар және жаңартылатын энергия көздерімен байланысты жобаларды басқару, интеграциялау, оларға техникалық қызмет көрсету, пайдалану және сервистік қызмет көрсету, техникалық аудит жүргізу және объектілерді реконструкциялау бойынша саладағы жетекші қызметтерді ұсынады.