«ҚазМұнайГаз» ҰК АҚ кадрлық тағайындау туралы хабарлайды

«ҚазМұнайГаз» ҰК АҚ келесі кадрлық тағайындау туралы хабарлайды.

«Ембімұнайгаз» АҚ Бас директоры (Басқарма төрағасы) болып Сәбит Арынов тағайындалды.

Бұған дейін Сәбит Арынов «ҚазТрансОйл» АҚ (ҚТО) бас директорының өндіріс жөніндегі орынбасары қызметін атқарып келді.

Ол еңбек жолын 1999 жылы ҚТО жүйесіндегі Атырау мұнай айдау станциясының технологиялық қондырғыларын жөндеу слесарі болып бастаған. 2000-2005 жылдар аралығында Атырау мұнай құбыры басқармасында, Атырау су дайындау және сумен қамтамасыз ету басқармасында, «ҚазТрансОйл» АҚ Батыс филиалында инженер болып қызмет етті.

 С.Арынов әр жылдары «ҚазТрансОйл» компаниясының пайдалану департаментінің директоры, Батыс филиалының басшысы, Бас директордың орынбасары қызметтерін атқарды.