ҚазМұнайГаз бен Қытай экспорт-импорт банкі ынтымақтастық туралы келісімге қол қойды

«ҚазМұнайГаз» ҰК АҚ Басқарма төрағасы Асхат Хасенов Қытай экспорт-импорт банкі (Эксимбанк) басқармасының төрағасы Чэнь Хуайюмен кездесті. 

Кездесу барысында екіжақты байланыстың бұған дейінгі табысты нәтижелері айтылып, ынтымақтастықты кеңейту перспективалары талқыланды. Айта кетсек, 2012 жылы Эксимбанк Атырау мұнай өңдеу зауытында жобаларды іске асыруға қатысты.

А.Хасенов Банктің нарықта, әсіресе Қытайдың «Бір белдеу, бір жол» бастамасы аясындағы ірі инфрақұрылымдық және өнеркәсіптік жобаларды іске асыру кезіндегі мол тәжірибесін атап өтті. 

Кездесу қорытындысы бойынша ҚМГ мен Эксимбанк арасындағы ынтымақтастық туралы негіздемелік келісімге қол қойылды.