Доңға кен орнында 2025 жылы 677,3 мың тонна мұнай өндірілді

Маңғыстау облысының Түпқараған ауданында орналасқан Доңға кен орнында өткен жылдың қорытындысы бойынша мұнай өндіру көлемі 677,3 мың тоннаға жетті. 2024 жылы бұл көрсеткіш 630 мың тонна деңгейінде болды. Газ өндіру көлемі 51 млн м³-ден асты.

Компания кен орнындағы операциялық тиімділікті арттыруға бағытталған геологиялық-техникалық және басқа да өндірістік іс-шараларды іске асырды.

Биыл да «Dunga Operating GmbH» (60% үлесі «ҚазМұнайГаз» ҰК АҚ-ға тиесілі) белгіленген өндірістік міндеттер аясындағы жұмыстарды жалғастырмақ. Жалпы, ҚМГ Доңға жобасындағы үлесті сатып алған уақыттан бастап кен орнын игеру оң динамиканы көрсетіп келеді.