ҚазМұнайГазда Донор күні өтті

«ҚазМұнайГаз» ҰК АҚ орталық кеңсесінің 95 қызметкері «Донор күні» акциясына қатысты.

Іс-шара Трансфузиология ғылыми-өндірістік орталығының мамандарымен бірлесіп өткізілді.

Акция кезінде жиналған 30 литрдан астам қан ауруханада жатқан науқастарға жіберілетін болады.

Айта кетсек, ҚМГ қызметкерлері үшін қан тапсыру игі дәстүрге айналған. Мұндай іс-шаралар адамдарға көмек көрсету ғана емес, қоғамдағы әлеуметтік жауапкершіліктің жарқын үлгісі болып есептеледі.