Жаңаөзенде ҚМГ тобындағы комплаенс мәселелері талқыланды

Жаңаөзен қаласында «ҚазМұнайГаз» ҰК АҚ (ҚМГ) комплаенс қызметімен 27 тамызда «Өзенмұнайгаз» АҚ (ӨМГ), «ҚазГӨЗ» ЖШС және «ӨМС» ЖШС мұнай-сервис компаниясымен жұмыс кездесуі өткізілді. «Самұрық-Қазына» АҚ орталықтандырылған Қауырт желісі арқылы бастамашыл ақпараттандыру мәселелеріне, сондай-ақ еншілес және тәуелді компанияларда корпоративтік әдепті қамтамасыз етудегі комплаенс функциясының рөлін талқылауға ерекше назар аударылды.

Қызметкерлер мен сыртқы серіктестер үшін ықтимал бұзушылықтар мен заңсыз әрекеттер туралы хабарлауға арналған сенім телефоны арқылы бастамашыл ақпараттандырудың тиімділігіне баса назар аударылды. Қатысушылар осы құралға деген сенім деңгейінің артқанын атап өтті.

Қауырт желіге келіп түскен өтініштерді қарау кезінде объективтілік пен ашықтыққа баса көңіл бөлінді. ӨМГ, «ҚазГӨЗ» ЖШС және «ОМС»  ЖШС қызметкерлері анықталған проблемаларды шешудің табысты мысалдарымен бөлісіп,  заңнаманы және корпоративтік стандарттарды бұзу тәуекелдерін азайту үшін өтініштерді өңдеу процесін жақсарту жөніндегі шараларды талқылады.

Кеңеске қатысушылар корпоративтік мәдениетті қолдау мен дамытудағы және заң талаптарын сақтаудағы негізгі элемент ретінде бастамашы ақпараттандырудың маңыздылығын атап өтті. Компанияның барлық деңгейдегі қызметкерлері үшін Қауырт желінің ашықтығы мен қолжетімділігі комплаенс-жүйесінің тиімді жұмыс істеуі мен әдеп нормаларды сақтаудың негізгі шарты ретінде бөлінді.

Кеңес қорытындылары бойынша қызметкерлердің  бастамашыл ақпараттандырудың мүмкіндіктері мен маңыздылығы туралы хабардарлығын арттыруды қоса алғанда, орталықтандырылған Қауырт желі жұмысын одан әрі оңтайландыру туралы шешімдер қабылданды. Өткізілген іс-шара ҚМГ тобының компанияларында әдептілік пен ашықтықты қамтамасыз етудің негізгі құралдарының бірі ретінде Қауырт желінің маңызды екендігін растады.