CDP ҚазМұнайГаздың тұрақты климаттық позициясын растады

«ҚазМұнайГаз» ҰК АҚ 2024 жылдың қорытындысы бойынша Carbon Disclosure Project (CDP) климаттық рейтингін «B» деңгейінде сақтап қалды. 

CDP бағалауды парник газдар шығарындылары, көміртек ізін азайту шаралары, климаттың өзгеруіне бейімделу және климаттық тәуекелдер мен мүмкіндіктерді басқару деректері негізінде жүргізеді. 

ҚМГ көміртегі ізінің көрсеткіштері және жүргізіліп жатқан декарбонизация шараларының нәтижелерін қоса алғанда, өзінің барлық активі бойынша ақпаратты ерікті түрде ұсынады. Айта кетейік, компания 2060 жылға дейінгі Төмен көміртекті даму бағдарламасын іске асыруда. 

Carbon Disclosure Project экологияға тиетін кері әсерді азайту бағытында компаниялар мен мемлекеттік органдарды төрт деңгей бойынша бағалайды: ақпаратты жария ету (D), саналы болу (C), менеджмент (B), көшбасшылық (A).