«ҚазМұнайГаз» ҰК АҚ басшылық құрамындағы өзгерістер жайлы хабарлайды

«ҚазМұнайГаз» ҰК АҚ компания басшылығының құрамындағы өзгерістерді хабарлайды.

Басқарма төрағасының орынбасары

«ҚазМұнайГаз» ҰК АҚ Басқарма Төрағасының орынбасары болып Диана Айдарқызы Арысова тағайындалды. Ол экономика және қаржы бағытына жетекшілік ететін болады.

Д.Арысова 2016 жылдан 2023 жылға дейін «PSA» ЖШС-де мұнай-газ операциялары шоттарына ревизия жүргізу департаментінің директоры қызметін атқарып келді.

Әр жылдары «KMG Drilling&Services» ЖШС қаржы директоры, бас директорының экономика және қаржы жөніндегі орынбасары; «ҚазМұнайТеңіз» ТМК» АҚ бас директорының экономика және қаржы жөніндегі орынбасарының м.а., корпоративтік қаржыландыру департаментінің директоры; Ұлыбританияның Қазақстандағы елшілігінде энергетика саласындағы жобалардың үйлестірушісі лауазымдарында болды.