KMG International 2015 жыл соңына дейін Румынияда 9 АЖЖҚ желісін кеңейтеді.

Ағымдағы жылдың алғашқы 6 айы ішінде KMG International өзінің өндірістік активтерінде шикізатты қайта өңдеу көлемдерін 10%-астам арттырып – 2014 жылғы қаңтар-маусым аралығындағы кезең ішіндегі 2,6 миллион тоннадан 2015 жылғы балама кезеңі ішінде 2,9 миллион тоннаға дейін арттырды.

АСТАНА, 20 шілде — Қазақстан Жаңалықтары АА. "KMG International" тобы 2015 жылғы шілде айында Румынияда үш жаңа АЖЖҚ ашты, ал жыл соңына дейін тағы тоғыз АЖЖҚ жеке сауда желісін ұлғайтуды жоспарлап отыр, деп хабарлады дүйсенбіде KMG International коммуникациялар және қоғамдық байланыстар департаменті.

«Салынған АЖЖҚ Румынияның ірі қаласы Бухаресте орналасқан , онда халық саны екі миллионнан асады, сондай-ақ Сибиу және Сату-Маре қалаларында да ашылды, оларда халық саны 100 мың адамнан асады", — делінген хабарламада.

Ең алдымен Румынияда бағдарламаны іске асыруда 100-ден астам АЖЖҚ жаңғыртылды.

Ағымдағы жылдың алғашқы 6 айы ішінде KMG International өзінің өндірістік активтерінде ("Petromidia", "Vega" МҚЗ, сондай-ақ мұнай-химия кешені – осы пішіндегі Румыниядағы жалғыз кәсіпорын) шикізатты қайта өңдеу көлемдерін 10%-астам арттырып – 2014 жылғы қаңтар-маусым аралығындағы кезең ішіндегі 2,6 миллион тоннадан 2015 жылғы балама кезеңі ішінде 2,9 миллион тоннаға дейін арттырды. Онымен бірге өзінің операциялық нәтижесін (EBITDA) 28% -ға 81,9 миллион долларға дейін жақсартты.

KMG International тобы Румыния, Грузия, Болгария, Молдова Республикасы, Украина, Франция және Испания сияқты елдерде отын дистрибуциясының бір мыңнан астам меншікті тармақтарының жеке қызметін жүзеге асырады. Румынияда компания 750-ден астам отын дистрибуциясы тармақтарында жұмыс істейді.

KMG International жалғыз акционері Қазақстанның «ҚазМұнайГаз» ұлттық мұнай-газ компаниясы болып табылады.