«ҚазМұнайГаз» және PKN Orlen серіктестік мүмкіндіктерін талқылады

Мамырдың 30-ы күні «ҚазМұнайГаз» ҰК АҚ Басқарма төрағасы Мағзұм Мырзағалиев PKN Orlen поляк концернінің Басқарма төрағасы, бас атқарушы директоры Даниэль Обайтекпен кездесті.

Тараптар өзара қызығушылық тудыратын ынтымақтастықтың перспективалы бағыттары туралы пікір алмасты.

Д.Обайтек ҚМГ басшылығына Orlen компаниясының мұнай өңдеу саласын автоматтандыру, мұнай химиясын дамыту және ауаға зиянды заттардың шығарылуын азайтатын технологияларын енгізу мүмкіндіктерін таныстырды. Сонымен қатар поляк тарапы Orlen концернінің қажеттіліктеріне Қазақстан мұнайын жеткізуге қызығушылық танытты.